"Delirante", Grida Duma ironizon keq Elisa Spiropalin: Koherenca juaj me kalin e Skënderbeut epike (VIDEO)

Ironi dhe akuza mes deputetes së Partisë Demokratike, Grida Duma dhe ministres së Shtetit për marrëdhëniet me Parlamentin, Elisa Spiropali.

Teksa kjo e fundit sulmoi kryetarin e PD-së Sali Berisha, Duma iu kundërpërgjigj duke thënë se demokratët kanë koherencë. Duke ironizoi Duma theksoi se ishte epike fakti që koherenca e Spiropalit me kalin e Skënderbeut.

Duma: Nëse menduat se do të ulnit zërin se s’po ma jepnit fjalën, e bëtë lajm se s’ma thatë fjalën. Ça trajtim i duhej të gjithëve. Zonja Felaj, e shtypa butonin dhe pastaj lexuat emrin time dhe më pas ma hoqa butonin. Por shenjë është për të gjithë, se nuk duhet të jesh shumë i edukuar në këtë vend. Na u drejtuat; Zonjat këtej nga ky krahu për inkoherencën, njëherë i mirë, njëherë i keq. Ne jemi inkoherencë të madhe zonja ministre, e kemi me historinë dhe me të mirën dhe këtë keqen se besojmë ne për Shqipërinë. Nuk më vjen keq fare që them se ne përpiqemi që të jemi në atë modestinë tonë, koherent me frymën historike të Kastriot Skënderbeut. Por koherenca juaj me kalin e Skënderbeut në fakt është epike. Për koherencat ne jemi me historinë, ju vazhdoni me partinë.

Felaj: Fjala juaj s’ka të bëjë me rregulloren dhe gjuhën joparlamentare. S’e keni këtë të drejtë.

Duma: Siç komentojnë të gjithë kolegët

Feliaj: S’keni të drejtë! Teknika…zonja Duma, nëse nuk keni kërkesë proceduriale, ju ndërpritet fjala.

Duma: Në 2015 e keni çuar ligjin e Lustracuionit dhe jeni inkoherentë.

Feliaj: Teknika ndërpriteni fjalën se nuk është në inkoherencë. nëse vazhdoni teatrin absurd, kështu do të ndodhë!

Fill pas fjalës së Dumës, erdhi dhe kundërpërgjigja nga Spiropali, e cila fyeu deputeten, duke e quajtur delirante dhe arrogante. Fjalori i Spiropalit drejt deputetes, solli reagimin e deputetëve të opozitës, të cilët nisën t’i bien tavolinave.

Spiropali: Se dëgjova me vëmendje deputeten, por kur flet ka një spirë verbale të pakuptueshme, të cilët e thotë me një siguri që të krijon habi. Arrogante, e vrazhdë, e herë delirante. Është triumfi absolut i formës mbi përmbajtjen Gjeti sot rastin që një copë nga bala e saj ta hidhte sot dhe me mbi mua, unë s’kam pse e marrë inat. Është një nga ato deputete që s’mund ta marrësh inat, pasi lavjerrësi i saj politik flet më shumë se çdo gjë tjetër mbi atë që përfaqëson. Po ‘Luli i mirë’, ‘Luli i keq’, ‘Berisha i mirë’, ‘Berisha i keq’, unë vetëm kësaj koherence iu përgjigja. S’mund ta marr inat se vetëm mund të qesh me këtë derexhe ku janë ata. S’ka make up që i mbulon ato. S’ka ngjyra që i bojatisin këto mungesa të mëdha dhe të vërteta ulëritëse që i deklamojnë me fuqi të të vërtetave absolute. Zonjë lind nuk bëhesh. Shëndet zonjë, Zoti qoftë me ty, por siç duket ti nuk je me të.