Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Dhunë fizike dhe përleshje me armë mes reperave, dënohen Noizy dhe Cozman

Postuar: 19/09/2018 - 10:21

Rigels Rajku i njohur si Noizy është dënuar me dy mijë euro gjobë për incidentin ku ai mbeti i plagosur në qendër të Prishtinës. Në procesin gjyqësor i cili ka përfunduar sot Albert Krasniqi personi i akuzuar për plagosjen e Noizyt është dënuar me 6 muaj burgim me mundësinë që dënimin ta shlyejë me para.

Vendimi i gjykatës i shpallur sot i ngarkon Krasniqit edhe një dënim shtesë prej 8 mijë eurosh për veprat e tjera në aktakuzë.

Shpallja e gjykimit është bërë në një seancë ku dy të akuzuarit nuk kanë marrë pjesë.

Beteja në mes dy ‘label’-ëve muzikorë OTR e BabaStars e cila nisi më 13 shtator të vitit 2016 para hotelit “Swiss Diamond”, është zhvendosur në Gjykatë.

OTR është ‘label’ në të cilin bën pjesë ‘Noizy’, ndërsa ‘BabaStars’ label-i tjetër ku bën pjesë ‘Cozman’.

Më 13 shtator të vitit 2016, rreth orës 17:15 në parkingun para hotelit “Swiss Diamond”, në Prishtinë kishte ndodhur një përleshje mes dy prej grupeve më të mëdha të reperëve, ata të OTR-së nga Shqipëria dhe BabaStars nga Kosova.

KALLXO.com ka arritur të sigurojë aktakuzën në të cilën prokuroria ka shpjeguar veprimet e të gjithë pjesëmarrësve në këtë përleshje.

Në këtë proces gjyqësor ishte akuzuar Rigels Rajku (Noizy), derisa reperi tjetër, Ylber Abdullahu (Cozman), është palë e dëmtuar.

Si pasojë e kësaj përleshje mbetën të lënduar disa persona, përfshirë edhe Rigels Rajku, i njohur për publikun si “Noizy”, atij i është hequr një plumb gjatë një ndërhyrjeje kirurgjike.

Sipas aktakuzës, ‘Noizy’, në ditën kritike i ishte vërsulur fizikisht Albert Krasniqit dhe Ylber Abdullahut, pasi që i akuzuari Krasniqi dhe tani i dëmtuari Abdullahu me automjet të të dëmtuarit kanë ardhur në parking.

Aktakuza thotë se ‘Noizy’ fillimisht i është vërsulur ‘Cozman’-it të cilit i është afruar derisa ishte duke ndenjur në automjetin e markës “Range Rover” dhe me grusht e ka goditur në pjesën e tëmthit dhe e ka shtyrë në automjet, me ç‘rast është shkaktuar rrahja e përgjithshme dhe i dëmtuari kishte pësuar edhe ca goditje.

/Agjensia e Lajmeve Sot News/

Na Beni Like Ne Facebook: 
Total votes: 10

Lajme nga e njejta kategori

Postuar: 18/12/2018 - 23:45

Justin Bieber nuk di të përmbahet në rrjetet sociale kur sheh imazhin e partneres së tij, Hailey Bieber.

Postuar: 18/12/2018 - 22:20

Këngëtarja e njohur Anca Pop ka humbur jetën në një aksident tragjik ku makina e saj u zhyt në

Postuar: 18/12/2018 - 21:19

Ava Max është këngëtarja shqiptare e radhës, e cila po korr suksese ndërkombëtare.  Emri i

Postuar: 18/12/2018 - 20:57

Reperi Mozzik dhe partnerja e tij Loredana u bënë për të parën herë prindër ditën e sotme.

Postuar: 18/12/2018 - 20:29

Aktorja dhe regjisorja e njohur amerikane Penny Marshall, u nda nga jeta të hënën në moshën 75-

Postuar: 18/12/2018 - 19:41

Jemi në fundvit dhe ëmbëlsira e Krishtlindjeve, panetone ndodhet në çdo tryezë të familjeve shq

Postuar: 18/12/2018 - 18:22

Doktor Panajot Papa ishte i ftuar pasditen e sotme në studion e “Ftesë në 5” në Top