E njihni këtë vogëlushe? Këngëtarja e njohur shqiptare publikon fotot e shumë viteve më parë dhe i bën dedikimin emocionues nënës së saj: Mbretëresha ime!

Sot ka festë në familjen e këngëtares së njohur shqiptare, Dua Lipa. Nëna e saj, Anesa feston 50-vjetorin e lindjes.

Në këtë ditë speciale, këngëtarja shqiptare me famë botërore ka publikuar disa momente të këndshme me mamanë e saj, duke filluar nga fëmijëria.

“Gëzuar ditëlindjen e 50-të nëna ime e mrekullueshme. Mbretëresha ime”, shkroi ajo.

Kujtojmë që Dua ishte verën e vitit që shkoi në Shqipëri me familjen dhe miqtë më të ngushtë. Ajo kaloi disa ditë pushimesh në jug të vendit. Autorja e shumë hiteve pritet që të vijë për Festivalin Synny Hill që do të mbahet së shpejti në Kosovë dhe Shqipëri. Në Kosovë, do të mbahet më 4, 5, 6 dhe 7 gusht.

Ndërsa do të mbajë dhe një edicion të veçantë me një line-up tjetër në fund të muajit gusht në Tiranë më 26, 27 dhe 28 gusht.