Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

E rëndë/ Modelja rrëfen problemet me shëndetin mendor dhe varësinë: Mendoja të hidhesha nga tarraca

Postuar: 23/10/2018 - 14:02

Jeta nuk ka qenë fare e thjeshtë për të. Modelja mjaft e njohur Gisele Bündchen ka treguar të gjitha problemet që ka hasur në jetën e saj në lidhje me shëndetin mendor, klaustrofobinë dhe varësinë. Gjithçka e keni të shkruar në librin e saj me kujtime, “Lessons: My Path to a Meaningful Life”.

Në një rrëfim për revistën “People” modelja u shpreh se gjërat duken perfekte nga jashtë por në të vërtetë janë shumë të vështira. Gisele ka folur për krizat e panikut dhe frikën nga hapësirat e mbyllura.

“Isha në një pozicion shumë të mirë në karrierë, shkoja shumë mirë me familjen dhe e kam menduar gjithnjë veten si njeri pozitiv, prandaj u tregova shumë e ashpër me veten asokohe. Më dukej sikur s’kisha të drejtë të ndihesha keq. Isha e pafuqishme. Bota bëhej gjithmonë e më e vogël, s’merrja dot frymë. Është ndjesia më e tmerrshme. Më dukej sikur gjithçka në jetën time po përpiqej të më vriste. Në fillim, avionët, pastaj ashensorët. Pastaj tunelet dhe hotelet dhe studiot e modelingut dhe makinat. Në një moment tjetër, apartamenti im. Gjithçka u kthye në kafaz dhe unë isha kafsha robinë brenda tyre, duke luftuar për ajër. S’gjeja asnjë dalje, s’duroja dot asnjë ditë më shumë,”- është shprehur Gisele.

Më pas ajo ka treguar momentin që ka menduar të hidhet nga tarraca e pallatit.

“Aty më lindi ideja: Ndoshta do të ishte më e thjeshtë sikur të hidhesha. Do të marrë fund. Mund të jem e lirë. Kur e kujtoj atë moment dhe 23-vjeçaren që isha, më vjen për të qarë. Dua t’i them që gjithçka do të rregullohet dhe që s’ka filluar ende të jetojë. Në të moment ama, e vetmja zgjidhje ishte të hidhesha,”- përfundon modelja. Por tashëjm ajo është në gjendje mjaft të mirë shëndetësore dhe gjithçka i përket të shkuarës.

/Agjensia e Lajmeve Sot News/

Na Beni Like Ne Facebook: 
Total votes: 0

Lajme nga e njejta kategori

Postuar: 17/11/2018 - 22:51

E re, e bukur e suksesshme, këngëtarja Arilena Ara po arrin majat jo vetëm në Shqipëri, por edhe jashtë vendit.

Postuar: 17/11/2018 - 22:49

Gjatë këtij viti Arilena Ara ka qenë e angazhuar me koncerte të shumta jashtë vendit e një prej t

Postuar: 17/11/2018 - 22:28

Nëna e Ermal Mamaqit ka ardhur sot në studion e emisionit “Xing me Ermalin” për herë

Postuar: 17/11/2018 - 22:14

Gazetari ka ndarë lajmin e gëzueshëm me të gjithë, teksa ka publikuar në rrjetet sociale një foto

Postuar: 17/11/2018 - 22:10

Mbrëmjen e sotme e ftuar në “Xing me Ermalin”, është këngëtarja shumë e dashur për pu

Postuar: 17/11/2018 - 19:52

Sot, më 17 Nëntor 2018 bëhen 4 vite pa këngëtarin e njohur Dr Flori.

Postuar: 17/11/2018 - 19:36

Ajo njihet për pamjen perfekte në daljet e mbrëmjes dhe këtë bëri dje teksa vinte në mbrëmjen g