“Familja më hodhi në rrugë, donin të më fejonin”/ Ish-banorja e Big Brother VIP bën një tjetër rrëfim tronditës, tregon si është arratisur nga shtëpia: Ti ik lësho lopët atje në fshat, s’je ti për të dalë në televizor!

Këngëtarja Xheisara Frisku, tregoi historinë prekëse të jetës së saj kur ishte pjesë e formatit “Big Brother Vip”. Por duke folur pas daljes për eksperiencën e saj, në intervistë në “Fun Club”, ajo tregoi se ishte e penduar që e kishte bërë këtë gjë.

Këngëtarja Xheisara Frisku, e cila u bë e njohur nga kompeticioni “X Factor”, ka rrëfyer kohë më parë historinë se si u bë pjesë e konkursit të muzikës.

Xheisara ka treguar se e ëma nuk e ka përkrahur në fillim, sepse nuk besonte te talenti i saj.

Prandaj, pa dijeninë e askujt, sapo mori vesh për audicionet, ajo mori furgonin, mbërriti në Tiranë dhe shkoi direkt në televizionin “Klan”.

“Unë vija nga Burreli dhe merrja pjesë në ‘X Factor’. Kam qenë 15 vjeçe. Kur shikoja ‘X Factor’, i thosha mamit se një ditë do jem unë atje dhe do të fitoj. Dhe mami më thoshte: ‘Ti do fitosh?! Ti ik lësho lopët atje në fshat, s’je ti për të dalë në televizor’,”- tha ajo, teksa kujtonte fillimet.

“Mami nuk besonte që unë vërtet dija të këndoja, sepse thoshte: ‘Nga do dalësh ti me talent?’ Ne jetonim në qytet, por shkonim çdo fundjavë në fshatin e babait dhe mami thoshte: ‘Ti mund të këndosh kur të lëshosh lopët.’

Pastaj një ditë të bukur unë pashë që po bëheshin audicionet e ‘X Factor’ dhe i them mamit që më duheshin 10 mijë lekë për një projekt në shkollë.

Ma jep mami 10 mijë lekëshin, paguaj furgonin, vij në Tiranë, hipi në autobus, vij në Klan, marr pjesë, fitoj. Më thonë që duhet të vish 4 ditë të tjera. Të katërta herët me 10 mijë lekë borxh.

Ndërsa një ditë të bukur isha në divan, e dija se kur do dilja dhe po shikoja emisionin. Dal unë dhe mami që po shikonte televizorin, më shikon mua dhe më thotë: ‘Ku je ti aty?!’ I thashë: ‘Eh dola një ditë dhe lëshova lopët.’ Që prej asaj dite mami nuk më pengoi kurrë më”,- përfundoi Xheisara.