Fiton çmimin e rëndësishëm në media, gazetarja shqiptare ndan pengun më të madh në luftë me tumorin: Ja gabimi që kam bërë me...

Entela Barjamaj, gazetarja investigative e ‘Inside Story’ ka fituar çmimin “Vangjush Gambeta” 2023 me dokumentarin “Bordi i (Mos) Transparencës”.

Ky çmim jepet nga Unioni i gazetarëve, për gazetarët e ekonomisë në televizione dhe shtypin e shkruar.

Në një rrëfim sa profesional dhe jetësor, Entela ka rrëfyer për herë të parë në një intervistë luftën e saj me tumorin dhe gjithë përpjekjet që ka bërë për të menaxhuar të gjithë situatën me veten e saj.

“Kam bërë një gabim. Nuk kam punuar me një psikolog”, ka rrëfyer e prekur Entela, e cila ka luftuar kancerin e gjirit dhe ka zgjedhur që kontrollet mjekësore, t’i kryejë në Angli, me dëshirën dhe sugjerimin e bashkëshortit të saj.

Më pas Entela ka vendosur që ndërhyrjen ta bëjë në Shqipëri, me mjekët e spitalit onkologjik.

Gazetarja ka treguar se në asnjë moment nuk ka pranuar ta mënjanojë punën, por paralelisht me të, duke qenë e angazhuar e ka përballuar më mirë këtë periudhë të vështirë.