FOTO/ Nënë për herë të dytë, aktorja e njohur shqiptare zbulon gjininë e fëmijës: Zoti na e dyfishoi lumturinë!

Aktorja e njohur, Eliona Pitarka është shtatzënë për herë të dytë. Lajmin e ëmbël e konfirmoi vetë ajo disa javë më parë, duke ndarë disa foto shumë të bukura në rrjetet sociale.

Ndërkohë, së fundmi, Eliona ka organizuar një festë, në të cilën ka zbuluar gjininë e bebushit, që pritet të sjellë në jetë. E veshur me të bardha, ajo dhe partneri kanë çarë tullumbacin, duke treguar se do të bekohen me një vajzë.

“ZOTI na e dyfishoi lumturine, duke e realizuar endrren tone per se dyti. Motra e vogel e Gales po te presim me padurim! Ende nuk na besohet”, ka shkruar aktorja krahas imazheve, në të cilat shfaqet shumë entuziaste me bashkëshortin.

Kujtomë që Eliona ka edhe një vajzë më të madhe, të cilën e kanë pagëzuar me emrin Gala.