“Hera ime e dytë në BBV2 ka qenë pak vuajtje”, ish-banorja zbulon kush e ‘mori në qafë’ për të rihyrë në 'shtëpinë e shqiptarëve'

Pas përfundimit të edicionit të dytë të “Big Brother VIP”, Efi Dhedhes vendosi që të ‘zhdukej’ nga vëmendja e opinionit publik. E të gjithë kanë qenë kuriozë që të dinë se çfarë ka ndodhur me të?

Mbrëmë ajo ishte e ftuar në emisionin “Më lër të flas”, ku ka rrëfyer se nuk është ndjerë mirë emocionalisht dhe psikologjikisht dhe i është dashur të marrë kohë për të punuar me veten, për të reflektuar.

Ish-banorja tregoi se për një pjesë të kohës ka pasur probleme të rrethohej nga njerëzit, dhe se nuk ndihej mirë mes turmave të mëdha. E pyetur se kush është personi që ‘e mori më qafë’, duke e këshilluar që të rifutej në Big Brother VIP 2, Efi tha se Donaldi, megjithatë janë rregulluar dhe ai është i falur.

Romeo: Efi, që prej përfundimit të Big Brother VIP Albania 2 ti je zhdukur, çfarë ka ndodhur?

Donaldi: Zhdukur nuk mund ta themi sepse Efi është e gjallë.

Efi: Kam dalë në lajmërim si person i zhdukur? Këtu jam për Zotin.

Donaldi: Po mor të pamë te “Top Story”, ndërtuan atje një temë për ty.

Efi: Me vërtet, se paskam parë. Ja ku jam, ju më gjetët.

Romeo: Si ka qenë jeta jote këtë periudhë?

Efi: Këtë periudhë kam vendosur t’i përkushtohem vetes time për të bërë gjërat që do ti themi më pas. Unë kam qenë në emision gjatë daljes time të parë, pas hyrjes time të dytë ne nuk jemi parë, por gjërat nuk shkuan edhe aq mirë.

Romeo: Po pse nuk shkuan edhe aq mirë?

Efi: E kam fjalën për gjendjen time psikologjike dhe emocionale. Hera ime e dytë në BBV2 ka qenë pak vuajtje, përtej shakave dhe thjesht kam dashur të qëndroj të reflektoj. Kam pasur probleme edhe me njerëzit. Nuk ndjehesha mirë kur dilja, kur kishte shumë njerëz rreth e rrotull meje kështu që kam dashur të rri vetëm.

Donaldi: Mirë, çfarë shkoi keq te hyrja jote e dytë? Pse e përjetove keq ose çfarë të mërziti?

Efi: Dua të ndalojmë shumë pak këtu. Unë jam njeri shumë emocional, pavarësisht se dukem ‘mehh’ kështu. Si njeri emocional që jam gjërat nuk shkuan ashtu sikurse i kisha parashikuar. Ka pasur shumë presion psikologjik, Primet unë thjesht doja që të mbaronin dhe përfundoi.

Donaldi: Rifutja ishte një vendim shumë i gabuar për ty pra?

Efi: Nuk di ta them nëse ishte një vendim i gabuar…

Romeo: Kush ta dha si ide kur e pyete ‘a të futem’?

Donaldi: Po mor thuaje, pse ç’problem ka.

Efi- Romeos: Vëllai jot ma dha. Mora zotërinë, vëllain tënd në telefon dhe…

Donaldi: Dhe unë të thash… Më ka pyetur Efi ‘si mendon, a mund të rifutem në Big Brother?’ dhe unë i thash “patjetër që po”.

Efi: Të më kishe thënë “jo”, nuk do të isha futur.

Romeo: Domethënë të mori Donaldi më qafë?

Efi: Po po, Donaldi e ka fajin.

Donaldi: Kompania jonë paguan edhe një fije sigurimi për të gjitha këto dëmet dhe unë mendoj se juve ju kanë ardhur ata korrierët tanë edhe…

Efi: Po po, kanë ardhur. U rregulluam, është mbyllur kjo temë, nuk kemi pse e diskutojmë më. Je i falur.