“Marku vdes për mua”/Nga zënkat, unaza me të cilën e propozoi deri tek planet për fëmijë, Rudina Dembacaj iu përgjigj të gjitha pyetjeve nga ndjekësit: Ja kur do bëj një fëmijë tjetër

Vetëm një orë kohë! Kështu e nisi bashkëbisedimin me ndjekësit në llogarinë e saj në Instagram Rudina Dembacaj.Prandaj, pyetjet për moderatoren dhe aktoren e humorit kanë nisur menjëherë.

Ndër ato të parat që iu bënë ishte: “Çfarë pëlqen më shumë Marku te ty?”

Rudina iu përgjigj me sinqeritet duke shtuar edhe pak doza humori:

“Nuk e di. Mendoj se pëlqen shumë faktin që jam e drejtpërdrejtë! Gjithashtu se përshtatem me çdo ambient. Nuk e di, ai ‘vdes’ për mua”.

Sigurisht që pyetjet në lidhje me martesën e saj e me marrëdhënien që ka me Mark Markun nuk mund të përfundonin me kaq!

Një ndjekëse i ka shkruar “jeni pak çift ‘crazy’”, e në lidhje me këtë Rudina komentoi: “unë jam pak më shumë!”.

Ndërsa nga dhuratat, si më të bukurën, aktorja veçoi unazën e propozimit, e cila sipas saj “ka kuptim dhe kujtim shumë të bukur”.

Ajo publikoi edhe një video ku tregonte nga afër unazën me të cilën e propozoi partneri.

Nisur nga ato që Rudina shkroi për unazën, dikush e ka pyetur se çfarë kuptimi ka ajo përveç atij të dashurisë.

Dembacaj iu përgjigj: “Kaq! Pse sa kuptime duhet të ketë?”

E në lidhje me zgjerimin e familjes, Rudina tha se edhe ky moment do të vijë sapo Viktoria të rritet edhe pak.

Mark Frroku është baba i tre fëmijëve, ndërsa Rudina kavetëm një vajzë të lindur nga martesa e saj e parë.

E si çdo çift tjetër, edhe tek ata nuk mungojnë zënkat, për të cilat moderatorja tha se është Marku ai që vetëpërmbahet më shumë.