Mbështeti Arjola Demirin menjëherë pas heqjes së tumorit, shpërthejnë kritikat ndaj deputetes së njohur shqiptare, Adriana Matoshi iu thotë troç, tregon ç'kishte bërë aktorja kur ishte shtruar në spital: Sapo çela sytë pashë që...

Deputetja e njohur shqiptare, Adriana Matoshi, ka dalë nga spitali dy ditë më parë pas operacionit të vështirë që kaloi me sukses. Figura të shumta publike dhe pafund qytetarë u solidarizuan dhe treguan mbështetjen e plotë për aktoren. 

Reagimi i saj i parë kishte të bënte me Arjola Demirin, e cila ndodhet brenda shtëpisë së “Big Brother”. “Drita ime, dashuria ime e pakufi. Të dua me shpirt, ylli i bukur”, shkruante Adriana në një postim të shpërndarë në profilin e aktores tropojane.

Kjo ka sjellë reagime te ndjekësit që e kanë kritikuar se nuk ka reaguar po gjendjen e saj shëndetësore.

“Gjithë ato lutje që i bëmë për shëndetin tënd nuk ishte në gjendje ta bësh një postim për t’i treguar popullit për gjendjen tënde pas operacionit”, ka qenë komenti i një prej tyre ndërsa nuk ka munguar një përgjigje nga Adriana.

“Ditën kur unë u shtriva në spital, Arjola kishte kënduar për mua, sot i çela sytë pak dhe mora telefonin, gjëja e parë që pashë ishte Arjola. Nesër besoj që forcohem e koncentrohem për të shkruar diçka nga shpirti”, ka shkruar aktorja.

Kujtojmë që dy aktoret janë mike prej vitesh, madje Adriana e surprizoi Arjolën, që prej shumë ditësh është e izoluar në shtëpinë e “Big Brother VIP”.