"Mos vallë Ledri do të më heq qafe...?", Sara Hoxha del me 'ankesën' kundrejt partnerit (Foto)

Sara Hoxha dhe Ledri Vula janë një ndër çiftet më të pëlqyera të showbiz-it tonë. Blogerja është shumë aktive në rrjetet sociale, ku përpos punës publikon edhe momente nga përditshmëria e saj.

Së fundmi ajo ka një “ankesë” për partnerin e saj. Duke qenë se Kosova është mbuluar nga dëbora, Sara ka publikuar një foto të makinës së saj duke shkruar: “Mos vallë Ledri do të më heq qafe që më le me goma vere në mes të dimrit?”

Epo Ledri duhet të ishte kujtuar t’i ndërronte gomat e makinës së Sarës tani që ra borë. Kjo nuk është hera e parë që blogerja bën shaka të tilla në rrjetet sociale, çka tregon shumë për marrëdhënien e mrekullueshme që kanë me njëri-tjetrin.

Më herët në një intervistë për “Prive” Sara ka folur për takimin saj të parë më Ledrin, për të cilin tha se nuk e njihte si pamje, por kishte dëgjuar këngët e tij.

“Emrin Ledri Vula e kisha dëgjuar edhe këngët, thjesht nuk kisha një figurë që mund ta lidhja me emrin dhe në momentin që e pashë thashë: “Ëm, qenka i mirë ky”. Nuk e prisja që të ishte ai Ledri”– tha Sara, duke rrëfyer tre tiparet që i pëlqejnë më shumë te Ledri.

“Një nga tiparet që e vlerësoj është shumë punëtor. Nuk është ziliqar, mundohet të marri edhe dikë me vete nuk punon vetëm për veten. Nuk e di a mund ta quaj virtyt, por thjesht fakti që ai është një baba shumë i mirë, është e treta.”– tha Sara.