“Nëse unë jam kaq i vogël, ti je embrion”, plas keq debati mes Ilirit dhe Donaldit: Fati jot i keq është se mendon se unë kam pasur vetëm tendenca negative

Puntata e sotme e Big Brother VIP ka nisur me debate mes Donaldit dhe Ilirit. Ky i fundit i është drejtuar Donaldit duke i thënë se ka dashur ta ndihmojë në disa situata por ai nuk e ka kuptuar. Balerini thotë se ka qenë Donaldi që i ka vënë epitete të ndryshme dhe është munduar t’i çjerrë maskën por në të vërtetë ka treguar veten e tij.

“Nëse unë jam kaq i vogël, ti je embrion. Unë thjesht kam thënë pas epiteteve të tua që je thjesht çun i shtrembër.”, i thotë mes të tjerash Iliri aktorit të humorit duke shtuar se i ka vënë epitete të ndryshme. “Nëse dua të të vendos epitete janë shumë të forta“, ia ktheu Donaldi.

“Të kam thënë diçka që ke qeshur, dhe unë të kam thënë se fati jot i keq është se mendon se unë kam pasur vetëm tendenca negative në drejtimin tënd. Në ato momente që të kam lënë derën hapur nuk ke ditur të hysh brenda. Ke dashur të çjerrësh maskën time por e vetmja maskë që ke çjerrë deri më sot është e jotja.”, tha Iliri.