Nuk luhet me zjarrin! Një veprim i pamenduar thellë mund t’i kushtojë shtrenjtë futbollistit të Tottenham-it

Koronavirusi ka shqetësuar një botë të tërë, por, megjithatë, futbollisti i Tottenham-it, Dele Alli ka zgjedhur të argëtohet me të.

Ylli anglez i futbollit postoi një video në rrjetet sociale, për të cilën ka marrë kritika të shumta. Duke pritur në aeroport, futbollisti i Tottenham-it drejtoi kamerën nga një shtetas aziatik dhe më pas te një dezinfektues për duart.

Videoja u cilësua ofenduese, diçka që u pranua edhe nga vetë futbollisti, i cili i kërkoi ndjesë popullit aziatik.

Argëtimi i tepruar i Dele Allit ka irrituar Federatën angleze të futbollit, që kërkoi menjëherë shpjegime dhe po shqyrton mundësinë e ndëshkimit të 23-vjeçarit.