BREAKING NEWS

“FBI”-ja shqiptare nis punën më 1 shtator, zbardhen detajet ku do të jetë selia

“FBI”-ja shqiptare nis punën më 1 shtator, zbardhen
x

Gossip

‘Nuk martohem që t'u mbyll gojën njerëzve’, Klodiana Shala bën deklaratën e papritur

‘Nuk martohem që t'u mbyll gojën njerëzve’,

Për Klodiana Shalën “nuk është ndonjë qejf i madh të bëhesh nuse”. Në një intervistë për “E Diell”, sportistja tregoi se nuk e ka në plan martesën. “I kam thënë mamit që nuk martohem për t’i mbyllur gojën të tjerëve që thonë se goca jote ngeli pa burrë ose pa u martuar,” iu përgjigj ajo pyetjes së Ervin Kurtit në lidhje me merakun e të ëmës.

Klodiana Shala i dha fund bashkëjetesës 16-vjeçare me ish-trajnerin e saj, Taulant Stërmasi, 6 vite më parë. E ftuar në “Opinion” në nëntor të 2017-s për të folur rreth raportit që ka mes familjes dhe karrierës, Klodiana Shala zbuloi se kohë më parë kishte dashur të birësonte një fëmijë. Ajo tregoi se gjatë periudhës së bashkëjetesës me partnerin e saj, dashur po dashur karriera e kishte penalizuar për të sjellë në jetë një fëmijë.

“Unë kam pasur një karrierë 20-vjeçare. Në pamundësi për të lindur një fëmijë iu përkushtova me të vërtetë karrierës. Dihet që kam bashkëjetuar prej disa kohësh, por tani jam single. Kam shkuar në Shtëpinë e Fëmijës, për të adoptuar një fëmijë, pikërisht në kohën kur isha në karrierë. Fëmija ishte 6 muajsh, sikur e kisha lindur unë. Me sy bojëqielli, i mrekullueshëm. Doja ta adoptoja në atë kohë.”

Dëshira e saj për t’u kujdesur për bebushin u la në mes për shkak të nënës së tij biologjike, e cila nuk donte ta jepte për birësim.

Në “E Diell”, Klodiana shtoi se për momentin i është përkushtuar me kohë të plotë biznesit të saj (palestër) dhe gjithashtu po punon për realizimin e një DVD me video dhe informacione të bollshme për një jetesë të shëndetshme.