Ori Nebiaj nuk i ndahet ekranit, a po paralajmëron një rikthim të bujshëm në Top Channel Isli Islami? Ja fotoja që tregon gjithçka

Deri sezonin e kaluar televiziv, Ori Nebiajn dhe Isli Islamin i pamë dhe i dëgjuam për disa vite si drejtues të “Wake Up” në Top Channel, ku duhet thënë se nuk ‘shkëlqyen’, duke e bërë shumë të mërzitshëm emisionin.

Më pas Ori vendosi ta vazhdonte karrierën si drejtuese e “Për’puthen”, për pak muaj, derisa mori rolin si deputete në Parlamentin e Shqipërisë, ndërsa Islin e pamë si konkurent në “DWTS” e më pas të përkushtuar në biznes e në radio, por larg Top Medias.

Megjithatë “partnerët në krim” duket se kanë vendosur të rikthehen dhe këtë e ka bërë me dije vetë Isli nëpërmjet një postimi në Instagram. Kështu, moderatori ka postuar një foto krah Orit, ku shkruan: “Projekte të mrekullueshme” dhe atë cilësimin si partnerë që ne e përdorëm pak më parë.

Nuk dihet nëse bëhet vërtetë për një projekt në ekran, pasi nuk kanë zbuluar detaje, mund të jenë edhe në radio, ndoshta edhe në biznes, ose thjesht Isli thjesht po lëshon ‘shashka’.