Përvojë e dhembshme dhe shqetësuese, princi Charles flet për herë të parë pas daljes nga karantina për koronavirusin

Princi Charles i ka dërguar një mesazh shprese kombit gjatë krizës së koronavirusit, duke lavdëruar mjekët për punën heroike për të shpëtuar jetën në daljen e parë para medieve pas karantinës prej prekjes nga Covid-19.

Princi Charles i tha kombit se ishte një "përvojë e çuditshme, zhgënjyese dhe shpesh shqetësuese" kur njerëzit ndaheshin nga të dashurit.

Në mesazhin e tij video, të postuar në faqet e internetit mbretërore dhe në mediat sociale, Charles vazhdoi: "Si komb, ne jemi ballafaquar nga një situatë thellësisht sfiduese, e cila kërcënon jetesën, bizneset dhe mirëqenien e miliona bashkëqytetarëve tanë”.

"Askush prej nesh nuk mund të thotë kur do të përfundojë, por ka për të përfunduar. Derisa të ndodhë, le të përpiqemi të gjithë të jetojmë me shpresë dhe, me besim në veten tonë dhe njëri-tjetrin, të presim që të vijnë kohë më të mira".