Prej shumë vitesh në 'Top Channel', largohet një nga moderatoret më të njohura të këtij TV: Është hera ime e parë në jetë që lë në mes një punë të nisur, pasi kam një qëllim shumë më madhor

Ori Nebiaj ka njoftuar largimin nga “Përputhen”. Të premten ajo moderoi puntatën e fundit si moderatore e programit të dashurisë dhe në mbyllje u shpreh se një tjetër mision madhor e pret.

“Është hera ime e parë në jetë që lë në mes një punë të nisur. Por jam e justifikuar pasi kam një qëllim disi më madhor pasi do të duhet të jem në një tjetër mision. Mendoj që këtë mision për aq sa isha e bëra ashtu, në karakterin dhe identitetin tim”, tha Ori.

Ori Nebiaj pritet t'i bashkohet kuvendit të Shqipërisë pasi do jetë deputetja më e re. Kujtojmë që Nebiaj ka zërë vendin e Grida Dumës, pasi kjo e fundit para disa ditësh dha dorëheqjen nga politika për t'ju bashkuar 'Top Channel' nën moderimin e një emisioni politik.