“Qyqja si jo”/ Ija tregon nëse e pagoi apo jo Besi në klipin e këngës, aktori rrëfen situatën e pazakontë dhe i lë të gjithë pa fjalë: Erdhi Presidenti te shtëpia me lule….

Mbrëmjen e djeshme në emisionin ‘Soiree’ ishte i ftuar aktori Bes Kallaku i cili bëri publike shumë detaje nga jeta e tij private dhe jo vetëm.

Në mbrëmjen dedikuar aktorit të humorit ishin mbledhur bashkëpunëtorët e tij më të mirë në muzikë me të cilët ka krijuar hite si Klajdi Haruni, Ylli Baka, Andi Shkoza dhe Rati.

Ndër të tjera, nuk munguan disa nga njerëzit më të rëndësishëm të jetës së tij, por të gjithë në formë surprize.

Gjyshja e tij, e cila është edhe një ndër gjyshet më të famshme në Shqipëri, Ija, erdhi në studio gjatë mesit të mbrëmjes, teksa Ylli Baka po performonte këngën “Mirëmëngjes nëna ime”.

Ardhja e saj i ka emocionuar të gjithë, ndërsa Besi e ka pritur me përqafime dhe nuk ndalonte dot së puthuri atë në ballë

Teksa janë ulur për të biseduar, Jonida Shehu ka pyetur Ijen nëse nipi i saj Besi e ka paguar kur ajo ka marrë pjesë tek klipet e tij.

“Qyqa si nuk më paguan”, u përgjigj menjëherë Ija.

“Kërkon vetë kjo. Filluan ta ftonin Ijen pastaj, por më thoshte ku shkoj unë papagesë. Dhe kur hapi Instagram dhe i them bëji share këtyre që të kanë bërë lulet. Erdhi Presidenti tek shtëpia e Ijes me lule dhe tha “për një tufë lule t’i bëj tag unë?”, shtoi Besi duke shkaktuar të qeshura në studio.