Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Rihanna hedh hapat e para drejt politikës: Këngëtares i besohet një post i ri zyrtar

Postuar: 22/09/2018 - 11:12

Jo vetëm që ajo është një këngëtare, aktore dhe kreu i markës Fenty, e cila përfshin kozmetikë dhe të brendshme, por tani ylli është emëruar “Ambasadore e Jashtëzakonshme dhe Fuqiplotë” në vendlindjen e saj, në Barbados.

Sipas një deklarate nga Zyra e Informacionit e Qeverisë së Barbados, pozicioni i jep asaj përgjegjësinë specifike për promovimin e arsimit, turizmit dhe investimeve për ishullin.

Superylli u bë një nga ambasadoret kulturore të Barbados në vitin 2008, duke bërë punë promocionale për ministrinë e saj të turizmit, por titulli i saj i ri vjen me përgjegjësi të zgjeruara.

“Fuqiplotë” është definuar si një person, veçanërisht një diplomat me fuqinë e plotë të veprimeve të pavarura në emër të qeverisë së tyre, zakonisht në një vend të huaj.

Kryeministrja e Barbados Mia Amor Mottley deklaroi se qeveria e saj u nderua që ishte në gjendje t’i jepte titullin një barbadiane të shquar, e cila ka kontribuar ndjeshëm në ngritjen e profilit të ishullit në të gjithë botën.

“Rihanna ka një dashuri të thellë për këtë vend dhe kjo është reflektuar në filantropinë e saj, veçanërisht në fushat e shëndetësisë dhe arsimit”- tha Mottley.

“Ajo gjithashtu ka demonstruar, përtej suksesit të saj si një ikonë pop, një ndjesi të madhe krijuese dhe zgjuarsi në biznes. Prandaj është e përshtatshme që ne të angazhohemi dhe ta fuqizojmë atë për të luajtur një rol më definues ndërsa punojmë për të transformuar Barbados” – shtoi kryeministrja.

Këngëtarja tha në një deklaratë se ajo nuk mund të ishte më krenare që mori një titull të tillë prestigjoz në vendin e origjinës.

“Çdo Barbadian do të duhet të luajë rolin e tij në këtë përpjekje të tanishme. Unë jam e gatshme dhe e emocionuar për të marrë përgjegjësinë”- tha Rihanna.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 15/06/2019 - 23:52

Sekretarja e Përgjithshme e Këshillit të Bashkëpunimit Rajonal, Majlinda Bregu ka ndarë në rrjetet sociale  një fotografi me dy motrat e saj.Sharmante si gjithmonë, ish demokratja ka treguar në foto edhe motrat e

Postuar: 15/06/2019 - 23:08

Altin Celmeta është ndër fotografët më të mirë në Shqipëri, i cili punon edhe si pedagog në Akade

Postuar: 15/06/2019 - 22:14

 Këngëtarja e njohur Enca Haxhia ka qenë e ftuara e parë e mbrëmjes së sotme në ‘Xing

Postuar: 15/06/2019 - 20:06

Trashëgimtarja e Top Channel Lori Hoxha mahniti me veshjen në ditëlindjen e kunatit të saj Ledion

Postuar: 15/06/2019 - 17:07

Pak minuta më parë, vajza e Linda Ramës, Rea Xhillari ka publikuar një foto me vëllain e saj Zaho

Postuar: 15/06/2019 - 13:28

Jonida Vokshi ka thyer një tabu në televizionet shqiptare, duke ftuar të fejuarin Besnik Krapi në