Shkaktoi bujë të madhe me gjuhën seksiste që përdori ndaj konkurrentes, reagon për herë të parë Albi Nako: Ishte e stisur! Unë e futa në emision, kemi 20 vite që...

Albi Nako Koreografi i njohur shkaktoi shumë reagime pas një deklarate që bëri dje ndaj një konkurrentje. Për të gjithë këtë lumë reagimesh, Albi ka një sqarim. I ftuar në “Top Albania Radio”, Nako është shprehur sot se e gjitha ka qenë një situatë e inskenuar, për t’i dhënë më shumë famë Belës. Ai shtoi se e njihte prej 20 vitesh, duke pohuar vetë edhe një konflikt interesi në program, ndërsa shtoi se dialogu që bëri xhiron e rrjetit ishte i shkruar si skript filmash.

“E vërteta është që unë dhe Bela kemi 20 vite njohje, Bela punon me mua dhe Akademinë e Dansit. Bela u fut në program nëpërmjet meje. E vërteta është që e gjitha që u tha është një dialog i dakordësuar mes meje dhe Belës, për ti bërë një promo asaj vajze që s’ka patur mbështetje nga rrethi i artit. Sigurisht është e faktuar, sepse përderisa kam krijuar një imazh të tillë në kaq vite karrierë, s’jam i lojtur të shkatërroj imazhin me një batutë. Pse çfarë i thashë unë Belës? Ajo që një performancë e ndërtuar nga unë. I thashë që personazhi që ti solle është fiks si nga Planeti i Majmunëve. Majmuni është kafshë e dashur, po e ngacmove bëhet agresive. E gjitha u mirëprit si reagim në spektakël por mua s’më vajti mendja se do të kishte një keqkuptim kaq të madh. Kur unë them ishte e stisur, ishte e stisur. Kur unë me Belën thamë unë do të them kështu, ti do të thuash kështu. Duhet të themi diçka që tek publiku do të tingëllojë shëmtuar, që tek publiku të bëjë jehonë.”-sqaroi Nako.