BREAKING NEWS

Lajme të mira pas krizës nga COVID-19/ Ministrja e Financave zbulon kur do të hapen të gjitha bizneset

Lajme të mira pas krizës nga COVID-19/ Ministrja e Financave zbulon
x

Gossip

“Të këshilloj të divorcohesh”, letra sekrete që mbretëresha Elizabet i shkroi princeshës Diana

“Të këshilloj të divorcohesh”, letra sekrete që

Historia e Diana Spencer, ish-bashkëshortja e princit Çarls është një ndër më të njohurat dhe më të trishtat. Ledi D ishte një grua që nuk u dashurua kurrë nga i shoqi, që vuajti shumë gjatë martesës 15-vjeçare (1981-1996) dhe që u tradhtua.

Çarls kishte një lidhje me Kamila Parker, që sot është bashkëshortja e tij dhe dukesha e Kornovalias. Historia e tyre është rrëfyer në shumë dokumentarë e libra, po ashtu edhe trishtimi i pamat i “princeshës së popullit”, një ndër figurat më antikonvencionale të historisë së Kurorës angleze.

Pas 23 vjetësh nga aksidenti tragjik që i mori jetën në Paris, së bashku me të dashurin Dodi Al Fayed, ka dalë në dritë një letër që mbretëresha Elizabet shkroi për princeshën Diana, pasi ajo, në një intervistë historike, foli para gjithë botës për tradhtinë e Çarlsit.

“U konsultova me arqipeshkvin e Kanterburit, kryeministrin dhe princin. Dhe vendosëm se rruga më e mirë për ju është divorci”. Këto ishin fjalët e ftohta dhe të forta të mbretëreshës, drejtuar gruas së djalit të saj.

Në atë kohë, Diana nuk e kishte marrë në konsideratë divorcin nga Çarlsi, por në fund u nda nga i shoqi më 1996-n, vetëm një vit para vdekjes së saj tragjike.