Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Të martuar por ‘të lirë’, zbulohet se si e tradhtonin njëri-tjetrin prej një viti Nora Istrefi dhe Robert Berisha

Postuar: 15/09/2019 - 15:03

Nora Istrefi dhe Robert Berisha kishin 13 vite bashkë dhe adhuroheshin si çift nga fansat e tyre, të cilët janë të shumtë. Nora dhe Roberti ishin dy perfeksione fizike dhe mjaft të suksesshëm në karrierat respektive. Dukej që përtej këtyre aseteve të çmuara, ata kishin gjetur edhe formulën e një martese të lumtur, sidomos kur familja e tyre u shtua edhe me një vajzë.

Çifti madje, për t’i treguar botës se sa të lumtur ishin, bënë edhe një këngë bashkë me një klip mjaft sensual. E megjithatë, thashethemet se mes tyre gjërat nuk po shkonin ashtu siç duhet, ka rreth më shumë se një vit që kanë filluar.

Njerëz pranë çiftit rrëfenin se Nora nuk ishte fare e kënaqur për marrëdhënien e ngrohtë të Lei Krajës me Robert Berishën, të dy partnerë te “Dance with me”. Edhe pse e njeh mirë botën e showbizz-it ku edhe ajo bën pjesë e ku aktrimi është pjesë e skenarit, përsëri thuhej që Nora nuk ishte aspak e qetë. Më pas filluan kontradiktat serioze, ku kryefjala ishte xhelozia.

Pas statusit shumë dashamirës të Robertit, ku njoftonte ndarjen nga Nora dhe i shprehte publikisht mirënjohjen partneres së tij për vitet që kishin kaluar bashkë dhe vajzën që sollën në jetë, disa media filluan të shkruajnë për lidhjet jashtëmartesore të secilit, që sipas tyre, e kanë çuar martesën drejt divorcit.

Si fillim doli lajmi se “Nora e tradhtonte Robertin me avokatin e njohur prej një viti” dhe kjo ishte arsyeja e ndarjes së tyre. Ky u konsiderua një fakt që doli në dritë pas ndarjes së tyre, pra, në mes qëndronte tradhtia. “Prej të paktën një viti, Nora është në lidhje jashtëmartesore me njërin prej avokatëve më të njohur në Kosovë dhe kjo është arsyeja e ndarjes”, citohej në rrëfimin e një miku të ish-çiftit, të publikuar pothuaj në të gjitha portalet.

Pas këtij lajmi, mediat nxituan të gjejnë se me kë e tradhtonte Roberti Norën. Këtë javë që lamë pas, disa portale kanë shkruar se Robert Berisha ka rreth një vit i lidhur me një vajzë të re. Në fotot e publikuara nga “prive.al” dallohet se Roberti, i cili ndodhet me pushime në Turqi, është i ulur në një tavolinë dhe se pranë tij është edhe një vajzë, e cila thuhet se është e dashura e re e Robertit.

Ndërsa pas daljes së fotove, gazeta “blic” ka shkruar se vajza në fjalë quhet Jessica Kadiu dhe prej vitesh jeton në New York dhe se ata kanë një vit që janë të lidhur bashkë. Edhe vetë Jessica ka publikuar foto në “InstaStoryn” e saj nga Turqia. Burime pranë “Insajder” treguan se këngëtarja ka hedhur në gjyq ish-bashkëshortin për tradhti dhe natyrisht që ekzistojnë dokumente, pasi në Gjykatë nuk mund të shkohet pa dokumentet bazë që vërtetojnë këtë akuzë.

Këngëtarja ende nuk ka reaguar ndaj aludimeve të shumta, por gazetarët, të cilët ishin në kërkim të arsyes së vërtetë, duket se kanë arritur të zbulojnë identitetin e vajzës. A është kjo vajzë arsyeja që çifti u nda? Arsyeja pritet të zbardhet në ditët në vijim, madje më mirë do të ishte nga vetë protagonistët. /Panorama/

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 23/10/2019 - 08:41

Fiori Dardha dhe Rozana Radi drejtojnë së bashku emisionin ‘Boom’ në ekranin e ‘Ora News’.

Postuar: 23/10/2019 - 08:36

Këngëtarja e njohur, Albërie Hadërgjonaj në fotot e publikuara së fundmi në rrjetet sociale, duke

Postuar: 22/10/2019 - 23:44

Pasditen e sotme në emisionin “Ftesë në pesë”, ishte e ftuar gazetarja Mira Kazhani

Postuar: 22/10/2019 - 16:27

 Aktori i humorit, Rezart Veleshnja është një prej personazheve më të dashur për publikun sh

Postuar: 22/10/2019 - 15:54

Së shpejti pritet të bëhen prindër për herë të parë, moderatorja e njohur Fatma Methasani dhe par

Postuar: 22/10/2019 - 14:47

E ftuar në emisionin “Rreze Dielli”, Rovena Dilo foli së bashku me dy bashkëpunëtorët

Postuar: 22/10/2019 - 12:59

Hera e fundit kur këngëtarja Eneda Tarifa performoi në festivalin e “Këngës Magjike”,