“Të më paguajnë”/ Këngëtari i njohur shqiptar zbulon kushtet që ka për Lori Hoxhën dhe Arbana Osmanin për t’u bërë pjesë e ‘Big Brother VIP’: Të gjithë kanë dalë të zverdhur që aty, pa gjak! Dua të më...

Këngëtari Robert Berisha në një intervistë që ka dhënë sëfundmi zbuloi se ka marrë ftesë për t’u bërë pjesë e ‘Big Brother VIP, por e ka refuzuar.

Këngëtari zbuloi se nuk ka pasur mundësi të shkonte dhe se produksioni e kishte refuzuar kërkesën e tij për t’u paguar ndërkohë.

“Nuk kam pasur mundësi të shkoja dhe normal nuk do pranoja pa pagesë. Jemi të angazhuar dhe t’i lëmë punët tona për të shkuar në një punë tjetër, këta fitojnë, prandaj do ishte mirë. Ata nuk kanë pranuar dhe normal nuk kam mundur të marr pjesë”, tha Roberti.

Ai shtoi se nëse do i bëhet ftesë për edicionin e dytë, do të pranojë vetëm kundrejt pagesës dhe nëse kushtet e tij do të plotësohen.

“Në edicionin e rradhës nëse ma bëjnë dhe një herë ftesën dhe nëse nuk e kam emisionin tim, nëse është një pauzë apo diçka, se di, me pagesë do pranoja të shkoja. Nuk është punë e lehtë 100 ditë të qëndrosh aty brenda. Të gjithë kanë dalë të zverdhur që aty, pa gjak. Të rrish mbyllur, të pish duhan, kafe, nuk kisha pranuar të futesha brenda nëse nuk do ma sillnin një piano për të bërë muzikë, më mirë se të zihesh; një pajisje të fitnessit që i kap të gjitha pjesët e trupit, do i bëja të gjithë të ushtroheshin dhe do kalonte koha; një pishinë të mbyllur, indoor jo outdoor se Tirana është e ftohtë Tetor, Nëntor, Dhjetor”, përfundoi këngëtari.