“Të tjerët më kanë treguar se kanë qenë shumë ndryshe”/ Tan Brama zbulon emrat e ish-banorëve të ‘Big Brother VIP’ me të cilët ka marrëdhënie të mira dhe jep lajmin e madh për karrierën e tij

Dritan Brama ishte një ndër banorët jo pak të komentuar të ‘Big Brother VIP’. Ai është një koreograf i njohur që ka pasur shumë bashkëpunime në videoklipet e këngëtarëve të njohur me famë botërore.

Brama u bë një personazh akoma dhe më i dashur për publikun që pas pjesëmarrjes së tij në Big Brother. Tani së fundmi dëshiron të implikohet edhe në muzikë.

 I ftuar në emisionin “Jeto me orën” Tan Brama rrëfeu më shumë rreth karrierës së tij ndër vite si dhe për planet e së ardhmes.

Ai rrëfeu se “Unë dua të njihem jo vetëm si “Tani kërcimtari” por edhe si Tani që kërcen edhe që këndon njëkohësisht”.

Në vitin 2004 Tani ka publikuar këngën e tij të parë me titull “Bulevard me shoqërinë” një këngë që ka patur edhe një impakt shumë të mirë në publik ndërsa karrierën drejt kërcimit  e ka nisu në vitin 1993 duke kërcyer në diskotekë madje ky ka qenë dhe vizioni i tij.

Së fundmi Tanin e kemi parë në shumë ekrane televizive dhe këtë gjë ai e përshkruan si diçka pozitive, si diçka të cilën e ka shijuar pa fund.  Edhe pjesëmarrja në Big Brother ka qenë një tjetër sukses për të madje shprehet se “E kam parë Big Brother nga jashtë por nuk e kam menduar kurrë që mund të isha pjesë e atij reality dhe kur më bënë ftesë e pranova direkt pa u menduar dy herë”.

Katër vende të BE-së bëjnë thirrje për përdorimin e aseteve ruse për të rindërtuar Ukrainën

Ndërsa kujton momentet e kaluara brenda shtëpisë shprehet se ruan marrëdhënie me disa prej banorëve si Monika, Arjola, Beniada, Einxhel etj pasi të tjerët kanë treguar një anë  ndryshe nga ajo që treguan aty brenda.

“Nëse do ta riktheja dhe një herë kohën pas dhe të kthehesha sërish në shtëpinë më të famshme në Shqipëri  do isha po i njëjti Tani që kam qenë edhe aty”, shprehet Tani.

Aktualisht Tani merret me kurse kërcimi për fëmijë  si dhe do publikojë dhe një këngë të re dhe ka marrë dhe një ofertë për të qenë pjesë e një filmi me kërcim që do zhvillohet në Amerikë.

Kënga që do publikohet së fundmi i dedikohet vajzës që do jetë edhe pjesë e videoklipit. Edhe videoklipet me këngëtarë të famshëm shqiptarë nuk kanë munguar. Madje Tani tregoi se ka edhe këngëtarë që dinë të kërcejnë si balerinë profesionistë si: Elvana Gjata, Flori Mumajesi, Stine, Kida etj.