U kthye pas 5 muajsh nga Gjermania ku po kurohej për helmimin, kritiku kryesor i Putin arrestohet sapo hyn në Moskë/ Ja çfarë ka ndodhur

Kritiku i Vladimir Putin , Alexey Navalny është arrestuar nga policia disa momente pas kthimit të tij në vend. 

Ai u mor nga oficerët e policisë në kufi pa i dhënë shpjegime, ndërkohë që avokati nuk u lejua të kalonte kufirin.

Navalny dhe gruaja e tij Julia po ktheheshin nga një qëndrim pesë-mujor në Gjermani, ku ai u shërua nga helmimi me agjent nervor të shkallës ushtarake Novichok.

Ata mbërriten në aeroportin Sheremetyevo të Moskës menjëherë pas orës 8 pasdite me kohën lokale, sipas informacionit të të dhënave të fluturimit.

Menjëherë pasi zbriti në aeroport, Navalny foli për gazetarët. 

"Kjo është dita më e mirë në pesë muajt e fundit. Të gjithë po më pyesin nëse kam frikë. Unë nuk kam frikë. Ndihem plotësisht mirë duke ecur drejt kontrollit kufitar. Unë e di që do të largohem dhe do të

shkoj në shtëpi sepse kam të drejtë dhe të gjitha çështjet penale kundër meje janë të trilluara,” tha Navalny.

Mbi Alexey Navalny rëndon akuzat për mashtrim. Sipas dokumenteve të një gjykate ruse, Navalny mund të përballet deri me tre vjet burgim.