“U futën edhe te dysheku, unë sot jam e ndarë për shkak të Drejtorit të Teatrit të Operas dhe Baletit”/ Balerina e njohur bën rrëfimin e fortë të jetës së saj: Këto janë gjëra që kanë dalë në gjyq

Ditën e djeshme në programin ‘Abc e Pasdites’ me Ermal Peçin ishte Linda Kalemi, e cila tregoi jetën që prej 30 vitesh ka ndërtuar në Turqi, por edhe të shkuarën në Shqipëri si balerinë.

Linda pohoi se ishin pikërisht paragykimet dhe “bërrylat” që ndikuan jo vetëm në jetën profesionale por dhe personale të saj.

“Unë sot jam e ndarë vetëm për arsyen e njërit, të drejtorit të Teatrit të Operas dhe Baletit që unë do ta them në thonjza ‘ka hyrë deri në dyshek’, pra hyn deri në marrëdhëniet burrë dhe grua, dhe kur nuk i ecën thërret vjehrrin t’i thotë ‘hajde se unë do të ankohem për nusen tënde’. Këto janë gjëra që kanë dalë në gjyq, unë i përjetova këto. Këto janë probleme që duhen rrahur në shoqëri edhe pa thënë emra.”

Ajo shtoi se është djegur më tepër nga çdo balerinë nga listat jashtë shtetit. Ajo kujton se ishte partnere e solistëve qëndror të ansamblit dhe është djegur më tepër nga të gjithë artistet e tjera dhe kjo ndikonte atëherë deri në familje.

“Kur unë isha në linjë të parë, në krah të Lili Çingut, Mediha Lubonja që janë ikona, unë jam në rresht me to dhe unë digjem me listat jashtë shtetit.”