Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

7 këshilla se si të gatuani gjithmonë një gjellë të shijshme

Postuar: 18/03/2018 - 10:14

Kur gatuajmë gjellë me perime, na ndodh të mos na pëlqejë shija përfundimtare. Prandaj, përmes këshillave të mëposhtme, besojmë që do t’iu ndihmojmë sadopak që gjella juaj me perime, gjithmonë të ketë shijen e dëshiruar.

 1.Mos anashkaloni hapat e gatimit

Kur gatuani një gjellë me perime, duhet të keni parasysh që mishi duhet fërguar shkurtimisht në të gjitha anët.  Kështu ai do t’i japë një shije dhe aromë më të mirë gjellës. Gjithashtu do të ishte mirë, që kur zieni perime, në vend që t’i hidhni në ujë të nxehtë, ato t’i kaurdisni me pak vaj, pasiqë kjo do të bëjë që ato të lëshojnë aromën e tyre dhe kështu t’i japin një shije më të mirë gjellës.

 

2.Përdorni një tenxhere kualitative për zierje

Është e rëndësishme që të gatuani në një tenxhere me fund të thellë, e cila u mundëson përzierjen e perimeve pa problem, por që gjithashtu nuk ngjit perimet që gatuhen.

3.Kaurdisni, mos zieni në temperaturë të lartë

Gjella me perime bëhet më e mirë, kur zihet ngadalë dhe në temperaturën më të ulët. Gjellërat e ziera me nxitim, zakonisht nuk janë të shijshme.

 4.Gjellën e nxehtë, mos e fusni në frigorifer

Një ndër gabimet e shpeshta në kuzhinë është që gjellën e mbetur, e fusim në frigorifer, përderisa ajo është ende e nxehtë ose e ngrohtë. Më së miri është që gjella e pambuluar të ftohet në temperaturë ambienti e më pas të transferohet në frigorifer për përdorim të mëtejmë.

5.Gjellë e pashijshme?

Nëse gjella që keni gatuar, nuk ka ndonjë shije të mirë, edhe pas shtimit të kripës e mëlmesave, atëherë para servimit të saj shtoni pakëz uthull. Kjo do të duhej të përmirësonte shijen.

6.Mos përdorni mishin e prerë më herët

Të gjithëve na ka ndodhur të paktën një herë në jetë, që në mungesë të kohës, të blejmë mishin e prerë e të paketuar, të gatshëm për t’u përdorur për gullash ose ndonjë gjellë tjetër me mish. Por, mishi i tillë nuk është edhe zgjidhja më e mirë, pasiqë është përgatitur më herët dhe gjasat janë të mëdha që të ketë ndenjur në dyqan për disa ditë. Ndenja e mishit, bën që ai të humbas freskinë dhe shijen. Prandaj, zgjidhja ideale do të ishte që mishi të blihet i freskët, secilën herë që planifikoni ta përdorni në gatime.

 

7.Mos përdorni mishin që nuk ka aspak yndyrë

Edhepse shumica e njerëzve nuk e duan mishin e yndyrshëm ose janë të kujdesshëm në lidhje me atë se çfarë konsumojnë, prapëseprapë mishi që ka pak yndyrë është shumë më i shijshëm sesa ai që nuk ka fare. Prezenca e yndyrës e bën gjellën më të lëngshme, më të butë dhe më të shijshme. Prandaj, mos i thuani “jo” mishit me yndyrë!

 

/Agjensia e Lajmeve Sot News/

Na Beni Like Ne Facebook: 
Total votes: 14

Lajme nga e njejta kategori

Postuar: 25/04/2018 - 16:18

Kungujt e njomë dhe të mbushur janë një mënyrë e shkëlqyeshme për ta kthyer një perime të zakonshme apo shpesh edhe të mërzitshme në diçka të shijshme dhe tërheqëse.

Ja receta për përgatitjen e tyre:

Përbërësit:

Postuar: 25/04/2018 - 14:44

Përbërësit

2 pjeshka

2 kumbulla

2 Kivi

1 pjepër

400 ml ajkë

20 gr sheqer pluhur

Levore portokalli

Postuar: 25/04/2018 - 13:48

Do t"ju bëjnë mjeshtër të vërtetë. Po ju zbulojmë si ta largoni erën e pakëndshme të hudhrës nga gishtat, sa duhet zier saktë makaronat, si të përgatitni pure të butë

Postuar: 25/04/2018 - 13:21

Rregulli bazë është që me ushqim të lehtë shkojnë edhe verëra të lehta, ndërsa me ushqim të rëndë, verëra më të rënda. Me ëmbëlsira dihet se shkojnë verëra me shije të ëmbël.

Postuar: 25/04/2018 - 12:43

Në këtë artikull do të flasim për bukën “leopard” me qumësht, të krijuar nga një bukëpjekëse franceze Patricia Nascimento.

Postuar: 25/04/2018 - 07:22

Edhe nëse nuk keni kohë për përgatitje të mëngjesit, ka gjëra që mund të jenë në frigorifer dhe do të bëhen të mira edhe nëse i përgatitni në mbrëmje.

Postuar: 25/04/2018 - 07:19

Domatet përmbajnë një numër të lartë antioksidantësh që ndihmojnë në uljen e rrezikut të zhvillimit të tensionit të lartë dhe në pasjen e një shëndeti kardiovaskular sa më ideal