Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Krostatë me krem limoni, pa gjalpë

Postuar: 31/07/2017 - 07:09

Nga Linda fishta, Fotografia Armand Habazaj
Krostata është një nga ëmbëlsirat më të shijshme dhe kaq të mirë sa me kremin e limonit, nuk e keni provuar më parë. E freskët dhe me aromë shumë të mirë!

Përbërësit për brumin frola, për tavë me diameter 22/24 cm:
• 250 g miell • 2 lugë të vogla sodë për ëmbëlsira (10 g) • 1 kokërr vezë • 100 ml vaj luledielli • 2 lugë ujë të nxehtë • 150 g sheqer • pak kripë • lëkura e 1 limoni organik e grirë në rende • 1/2 bustinë shafran pluhur (zafferano) - jo e domosdoshme

Përbërësit për kremin:
• 100 ml lëng limoni (2 limona mesatarë) • lëkura e 1 limoni organik e grirë në rende • 450 ml ujë • 50 g niseshte patatesh • 200 g sheqer • 1/2 bustinë shafran pluhur (zafferano) - jo e domosdoshme

Përgatitja:
1. Në fillim përgatisim kremin, i cili duhet të ftohet. Në një tenxhere, përziejmë të gjithë përbërësit e kremit dhe më pas e vëmë tenxheren në flakë të ulët, duke e përzier pa ndërprerje me rrahësen e vezëve me dorë. Kur kremi të jetë trashur, e heqim nga zjarri, shtojmë shafranin, e përziejmë me shpejtësi dhe e hedhim në një tas që të vaket, duke e mbuluar me plastmasë kuzhine, në kontakt direkt me të.

2. Përgatitja e brumit frola: në fillim, ndezim furrën në temperaturën 170° C.
Në një tas, përziejmë miellin dhe sodën të cilën e hedhim me sitë, kripën, vezën, sheqerin, lëkurën e limonit, vajin dhe së fundi shafranin e tretur në ujë të nxehtë. E punojmë me dorë derisa të përftojmë një brumë homogjen, e hapim me petës dhe pak miell, e shtrojmë në tavë të lyer me vaj e miell, por duke lënë pak brumë për ta zbukuruar sipër.

3. E shpojmë bazën me pirun, hedhim kremin, e zbukurojmë sipër me brumin që kishim lënë mënjanë dhe e vëmë të piqet në temperaturën 170° C për 35/40 minuta ose derisa të shohim që ka marrë ngjyrë poshtë dhe lart.

/Agjensia e Lajmeve Sot News/

Na Beni Like Ne Facebook: 
Total votes: 40

Lajme nga e njejta kategori

Postuar: 12/09/2017 - 21:56

Dasmat për këtë vit ende nuk kanë mbaruar . Çifti i radhës që do të kurorëzojë dashurinë është, moderatori i njohur, Labinot Gashi dhe Qëndresa .

Sipas burimeve dasma do të jetë në 15 tetor dhe duket se kanë nisur përgatitjet.

Postuar: 27/08/2017 - 22:44

Koha e përgatitjes: 15 minuta

Postuar: 31/07/2017 - 07:21

Një ëmbëlsirë e lehtë me kos që përgatitet me vetëm 4 përbërës. Do t’ju shijojë së tepërmi në këto ditë të ngrohta me diell.

Postuar: 09/07/2017 - 22:40

Në fëmijëri, kjo ishte pjata e preferuar e të gjithëve.

Postuar: 19/05/2017 - 21:32

Kërpudhat janë një burim i mirë fibrash e vitaminash dhe studimet e fundit sugjerojnë se metoda me të cilën i gatuani ndikon në masën e vlerave ushqyese që merrni prej tyre.

Postuar: 09/05/2017 - 22:48

Nëse edhe juve ju pëlqen shumë akullorja e shoqëruar me komposto apo reçel qershie, tani jeni në kohën më të mirë për ta përgatitur vetë, bazën e qershive.

Postuar: 07/05/2017 - 22:31

Luleshtrydhet janë në kohën e tyre më të mirë! Kanë pak kalori prandaj edhe nëse e teproni pak nuk keni pse ndiheni në faj!