Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Mësoni të përgatisni tiramisu në kushte shtëpie

Postuar: 10/03/2017 - 22:10

Sa herë e keni provuar në restorante e pastiçeri këtë ëmbëlsirë dhe asnjë recetë që keni provuar në shtëpi s’ju ka dalë indentike! Sekreti i saj ndodhet pikërisht te pasterizimi i vezëve, në ujë të nxehtë vetëm pak kohë dhe nxirren, për t’i bërë ato më kremoze, me të tretshme për organizmin dhe më të sigurta për shëndetin. Mund të zgjidhni t’i përdorni vezët e plota ose vetëm të verdhat.

 

Përbërësit

2 pako me biskota savoiardi

500 gr. maskarpone

250 gr. pana për t’u formuar, e tipit Hopla e ftohur mirë

70 gr. sheqer

25 ml ujë

3 vezë vetëm të verdhat

3 filxhanë me kafe ekspres

4-5 lugë kakao pa sheqer

1 lugë sheqer kaf

1 gotë liker Marsala

Përgatitja

  

Përgatisni kafen dhe lëreni të ftohet, përziejeni me sheqerin kaf dhe Marsalën.

Rrihni vezët me 1 lugë nga sheqeri derisa të bëhet një masë e fryrë.

Bashkoni sheqerin me ujin dhe vendoseni në zjarr për të bërë një tip sherbeti. Sa fillon të marrë valë dhe në sipërfaqe bëhet me bulza hiqeni duke e derdhur si një fije sipër vezëve, përziejeni njëkohësisht me maksimumin e shpejtësisë së rrahësit elektrik. Kujdes se mos i bëni vezët omelet.

Përziejeni derisa masa të jetë e fryrë dhe lëreni të ftohet.

Pastaj bashkoni më të maskarponen gjithmonë duke e përzierë me rrahësin elektrik.

Formoni panën në shkumë dhe me delikatesë bashkojeni dhe atë me maskarponen.

Nëse doni ta bëni me dekor sipër, hiqni një pjesë nga kremi dhe vendoseni në qesen e pastiçerisë me formën që doni.

Lëreni në frigorifer te ngrirja që të mpikset më shpejt.

Pjesën tjetër na duhet direkt për të formuar tiramisù-në.

Në fundin e një tave paksa të thellë bëni një shtresë me pak krem, kaloni nga një biskotë te përzierja me kafe dhe liker por pa e njomur shumë dhe reshtojini në fundin e tavës. Bëni sipër tyre një shtresë me krem dhe pluhuroseni me kakako. Vazhdoni në këtë rend deri në shtresën e fundit të saj ku sipërfaqen do ta lyeni me krem dhe dekoroni me kremin që lamë në ngrirje. Ose në të kundërt, po ta doni të thjeshtë, nivelojeni mirë sipërfaqen dhe pluhuroseni me kakako. Nëse e doni pa dekor, mos e  ndani kremin në qesen e pastiçerisë.

Lëreni të pushojë në frigorifer për rreth 5 orë, më mirë akoma nëse e lini gjithë natën.

/Agjensia e Lajmeve Sot News/

Na Beni Like Ne Facebook: 
Total votes: 11

Lajme nga e njejta kategori

Postuar: 12/09/2017 - 21:56

Dasmat për këtë vit ende nuk kanë mbaruar . Çifti i radhës që do të kurorëzojë dashurinë është, moderatori i njohur, Labinot Gashi dhe Qëndresa .

Sipas burimeve dasma do të jetë në 15 tetor dhe duket se kanë nisur përgatitjet.

Postuar: 27/08/2017 - 22:44

Koha e përgatitjes: 15 minuta

Postuar: 31/07/2017 - 07:21

Një ëmbëlsirë e lehtë me kos që përgatitet me vetëm 4 përbërës. Do t’ju shijojë së tepërmi në këto ditë të ngrohta me diell.

Postuar: 31/07/2017 - 07:09

Nga Linda fishta, Fotografia Armand Habazaj

Postuar: 09/07/2017 - 22:40

Në fëmijëri, kjo ishte pjata e preferuar e të gjithëve.

Postuar: 19/05/2017 - 21:32

Kërpudhat janë një burim i mirë fibrash e vitaminash dhe studimet e fundit sugjerojnë se metoda me të cilën i gatuani ndikon në masën e vlerave ushqyese që merrni prej tyre.

Postuar: 09/05/2017 - 22:48

Nëse edhe juve ju pëlqen shumë akullorja e shoqëruar me komposto apo reçel qershie, tani jeni në kohën më të mirë për ta përgatitur vetë, bazën e qershive.