Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Si të gatuani pjatën tradicionale shqiptare

Postuar: 08/02/2018 - 22:59

Një gatim special, i mrekullueshëm i kombinimit të një prej perimeve më të freskëta të stinës, preshit, me një prej zahireve më të shijshme shqiptare, mishi i thatë.

Një pjatë plot shije dhe vlera ushqyese gjithashtu. Ideale për ditët e ftohta të dimrit dhe fantastike në kombinimin e saj me sallata të freskëta të stinës apo gatime të tjera siç janë mezet shqiptare që lezetosin tryezën me shijet e tyre të larmishme.

Ashtu siç një mënyrë fantastike e shoqërimit të kësaj gjelle tipike shqiptare janë edhe turshitë e ndryshme, e veçanërisht ato me lakër të bardhë apo patëllxhanë.

Jahnia me presh është gatuar për shekuj e shekuj me rradhë nga nënat e gjyshet shqiptare, një recetë e trashëguar brez pas brezi e që vijon të mbizotërojë traditën e kulinarisë shqiptare edhe sot.

AgroWeb.org u sugjeron më poshtë recetën tradicionale të Jahnisë me Preshë, një mënyrë fantastike për ta përgatitur krejt lehtë në shtëpi e për ta shijuar me gjithë familjen.

Receta e Vjetër e Jahnisë Me Presh

Përbërësit

(Sasia e përbërësve përzgjidhet bazuar në numrin e personave për të cilët do gatuhet. Receta më poshtë është për 4-5 persona)

4-5 thela mish të thatë

1.5 kg presh të freskët

4-5 lugë vaj ulliri

2 kokrra qepë

1 lugë gjelle salcë

2 lugë gjelle uthull

Kripë

Piper

Gjethe dafine

Limon

Përgatitja

Si fillim zjejmë mishin e thatë për 30 minuta.

Nga ana tjetër, pastrojmë preshin me ujë të rrjedhshëm dhe e presim përmes një thike në copa të pjerrëta me gjatësi rreth 3-4 centimetra.

Në tenxhere kaurdisen qepët, shtohet preshi dhe vijon kaurdisja derisa volumi i tyre të bjerë.

Hidhet salcë domatesh, pak spec i kuq dhe përzihen lehtë në mënyrë që të mos prishet forma e rrathëve të preshit.

Më pas shtohet mishi i thatë me lëngun e tij derisa përbërësit të mbulohen përgjysmë.

Provohet për kripë nëse ka mjaftueshëm pasi vet mishi i thatë ka kripë dhe mund të lëshojë mjaftueshëm në lëngun e tij gjatë zjerjes.

(Nëse mishi i thatë është shumë i kripur kujdesuni që më parë ta lini për 1-2 orë në ujë dhe më pas kalojeni të zjejë me ujë tjetër)

Më pas, shtohet piperi, gjethet e dafinës, pak uthull (sipas dëshirës).

Mbulohet me kapak dhe lihet të zjejë në zjarr të ngadaltë rreth 30-40 minuta sa të bëhen gati./ AgroWeb.org  

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 18/02/2019 - 07:54

Ky do të jetë kulaçi më i shijshëm që keni provuar.

Ia vlen që ta përgatisni për t’i mahnitur me një shije unike familjarët dhe të dashurit tuaj.

Postuar: 11/02/2019 - 19:54

Për brumin:
200g miell 

Postuar: 10/02/2019 - 23:27

Kafeja turke është e famshme në të gjithë botën jo vetëm për shijen dhe stilin e veçantë të përga

Postuar: 10/02/2019 - 20:14

Hollimi i petëve të byrekut vet në shtëpi është një traditë, me të cilën padyshim krenohen gjithë

Postuar: 10/02/2019 - 19:06

Nëse doni të konsumoni diçka të shijshme për të plotësuar oreksin por edhe për ta kënaqur atë, zg

Postuar: 06/02/2019 - 22:35

Na qëllon të gjithëve që në situata të caktuara, të përfundojmë duke ngrënë për darkë një salla

Postuar: 05/02/2019 - 14:55

Tava e pulës së pjekur me patate është ndër recetat më të preferuara të shqiptarëve.