Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Tavë e shijshme me kunguj dhe qumësht

Postuar: 11/01/2018 - 14:54

Në këto ditë të ftohtë do të dëshironit një tavë me kunguj në furrë dhe ta shijoni së bashku me një sallatë të freskët? Nuk keni shumë punë për të bërë.

Përbërësit për 4 persona

  • 6 vezë mesatare
  • 4­5 kunguj të vegjël
  • 1 qepë e njomë e vogël
  • 4 lugë qumësht
  • 3 lugë plot djath kaçkavall të grirë
  • 2 lugë galetë
  • 150 gr djath të bardhë
  • Disa gjethe majdanoz
  • Vaj ulliri
  • Gjalpë
  • Kripë
  • Piper
  • 4 feta buke të thekur për ta shoqëruar

Përgatitja:

Lajmë dhe pastrojmë kungujt (pa i qëruar), i ndajmë në 4 pjesë në mënyrë gjatësore dhe i presim në kubikë. Në një tigan kaurdisim lehtë në vaj ulliri qepën e grirë hollë derisa të bëhet transparente, shtojmë kungulleshkat dhe vazhdojmë gatimin duke i përzierë shpesh. I rregullojmë me kripë, piper dhe i gatuajmë për rreth 10 minuta derisa të zbuten. Shtojmë majdanozin e grirë dhe fikim zjarrin.

Në një enë rrahim vezët me qumështin, djathin kaçkavall, kripën, piperin duke shtuar në fund edhe kungujt. Lyejmë me pak gjalpë dhe galetë një tavë të rrumbullakët (me diametër 24­26 cm) dhe hedhim në të përbërjen me vezë dhe kunguj. Sipër shtojmë edhe djathin e bardhë të thërrmuar dhe e pjekim të gjithën në furrë të parangrohur në 180°C për rreth 20 minuta.

E heqim nga furra, e lemë disa minuta në mënyrë që masa të mpikset dhe e kthejmë nga ana tjetër mbi një pjatë të cekët. E presim në feta, e spërkasim me pak piper të zi dhe e dekorojmë me disa gjethe majdanozi. E shoqërojmë me feta buke të thekura.

 

/Agjensia e Lajmeve Sot News/

Na Beni Like Ne Facebook: 
Total votes: 120

Lajme nga e njejta kategori

Postuar: 13/12/2018 - 09:19

Qumështori me petë dhe arra të pjekura është një ëmbëlsirë e mrekullueshme, shija e të cilit është e pa  përshkruar kur përgatitet nga mjeshtëria e duarve të amvisave shqiptare.

Postuar: 10/12/2018 - 08:27

Nëse ka një recetë të traditës shqiptare që është e plotë në shije, e me të cilën nuk ngopesh asn

Postuar: 09/12/2018 - 10:25

Nëse je një nga njerëzit që nuk ulen kurrë në tavolinë për të ngrënë mëngjes, sepse koha nuk të p

Postuar: 07/12/2018 - 12:28

Dikur ishin ëmbëlsirat më magjepsëse për fëmijë e të rritur.

Postuar: 06/12/2018 - 13:26

Një sfidë e vërtetë është për amvisat pjekja e mishit në shtëpi.

Postuar: 05/12/2018 - 14:24

Në raste festash familjare apo edhe festa të ndryshme përherë amvisat përgatisin shëndetlie.

Postuar: 03/12/2018 - 14:58

Torta me peta dhe krem qumështi është e famshme në të gjithë botën dhe është një ndër ëmbëlsirat