Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Dhalla e freskët për shëndet të mirë dhe kocka të forta

Postuar: 22/07/2018 - 21:13

Në Shqipëri, dhalla është një nga pijet më të preferuara të të gjitha stinëve, përgatitet nga kosi dhe uji, ndërkohë që në shumë raste përfshihet dhe kripa.

Dhalla është ndoshta një nga pijet më të lehta që mund të përgatitet në shtëpi. Mjafton të përzihen të gjithë përbërësit në sasi të ndryshme dhe do të përftoni dhallën e mirë e super të shijshme.

Dhalla është shumë e shëndetshme. Ajo nuk përmban sheqerna. Nëse ju pëlqen dhalla e kripur, atëherë duhet të dini që kjo pije është një mënyrë shumë e mirë për të marrë dozat e nevojshme të kripës kur dehidratoheni dhe humbisni shumë lëngje dhe kripëra.

Për më tepër, dhalla ofron përfitimet e pamohueshme të kosit që ka shumë proteina dhe kalcium.

Sipas të dhënave, për qindra vite me rradhë, kjo pije e veçantë është përdorur për të qetësuar sistemin gastrointenstinal.

Shumë njerëz janë në mëdyshje nëse duhet t’i shtojnë kripë kosit të holluar ose jo.

Disa ekpertë sugjerojnë që dhalla duhet pirë pa kripë, për arsyen e vetme se nëpërmjet ushqimeve ditore njerëzit marrin 15 gramë kripë, ndërkohë që doza e lejuar është 5 gramë në ditë.

Përmbajtja e kripës në pije ka më shumë ndikim negativ tek të moshuarit se tek të miturit.

Dhalla përmirëson tretjen dhe largon gazrat e tepërt dhe në të njëjtën kohë përmirëson mikroflorën intestinale.

6 përfitimet shëndetësore të dhallës

Dhalla përmban ujë, ndaj përmbush kuotën e rekomanduar.

Gjatë aktiviteteve fizike njerëzit shpesh djersijnë shumë dhe humbasin kripërat natyrale, për të cilat organizmi ka nevojë. Ajo zëvëndëson humbjet e pësuara ndaj ofron kënaqësi të menjëhershme gjatë verës.

Sipas të dhënave, kjo pije përmban sasi të larta të proteinës dhe kalciumit, ndaj i vjen në ndihmë shëndetit të kockave dhe dhëmbëve.

Atletët dhe sportistët që kanë nevojë për sasi të mëdha proteine, pijnë dhallë në vend të varianteve pluhur të proteinës.

Duke qenë se nuk ka sheqer, dhalla i përshtatet njerëzve që janë në dietë dhe është një alternativë e shkëlqyer kundrejt pijeve të sheqerosura dhe të gazuara.

Organizmi ka nevojë për baktere të shëndetshme që sistemi tretës të funksionojë normalisht.

Kosi përmban probiotikë, ndaj dhalla është ideale jo vetëm për këtë, por edhe për të larguar toksinat nga organizmi. Ajo konsiderohet një kurë ideale pasi e keni tepruar me alkolin.

Bakteret e mira që gjenden tek kosi vijnë në ndihmë kundër konstipacionit.

Përgatitja

Përgatitja e dhallës është shumë e thjeshtë dhe sasia e përbërësve varet nga shija juaj.

Në një mikser hidhni kos, ujë (sasia sipas preerencës) dhe pakëz kripë nëse dëshironi.

Përzijeni për 30 sekonda dhe pijeni menjëherë.

Nëse dëshironi shtoni pak mente ose kuba akulli. Ju bëftë mirë!

/Agjensia e Lajmeve Sot News/

Na Beni Like Ne Facebook: 
Total votes: 11

Lajme nga e njejta kategori

Postuar: 18/08/2018 - 12:11

Nëse keni zakon të përgatitni gjithçka dhe ti lani  ushqimet para gatimit, duke menduar se do ti pastroni nga bakteret, mendohuni përsëri.

Postuar: 18/08/2018 - 12:06

 Përbërësit:

Postuar: 16/08/2018 - 21:57

Problemi që haset më shumë kur mishi i pulës gatuhet në furrë, është se bëhet shumë i thatë.

Postuar: 14/08/2018 - 23:21

Kur përgatitni mish viçi në këtë mënyrë, e gjitha që ju mbetet është që të zgjidhni, salcë të mir

Postuar: 14/08/2018 - 22:48

Përbërësit

6 kokrra patate

300 gr djath të verdhë

200 gr pançetë

Postuar: 14/08/2018 - 22:45

Përbërësit

4-5 kunguj të njomë

1 kokërr vezë

300 gr djath të bardhë

Postuar: 14/08/2018 - 22:42

Përbërësit

1 kg mish qingji (pjesa e kofshës)

2 thelpinj hudhër