Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Buka tradicionale izrealite që mund ta bëni për 5 minuta në shtëpi (Receta)

Postuar: 09/05/2019 - 09:04

Kjo bukë është pjesë e kuzhinës izraelite dhe përgatitet vetëm me miell dhe ujë. Kjo bukë u kujton atyre eksodin e madh nga Egjipti, pasi kështu e përgatiten bukën ato ditë që po largoheshin, pasi nuk kishin kohë që të vinte brumi dhe e piqnin menjëherë. Një avantazh tjetër i kësaj buke ishte se ajo mund të ruhej gjatë dhe të konsumohej pjesë-pjesë. Ajo mund të jetë krokante ose jo në bazë të trashësisë që i japim. Këshillohet për ata persona që janë intolerantë ndaj majasë ose që nuk kanë dëshirë ta përdorin.

Koha e përgatitjes- 7/8 minuta
Koha e pjekjes - rreth 10 minuta

PËRBËRËSIT: 250 g miell integral (kaf) ose Tipi 00,  90 ml ujë në temperaturë ambienti ose shumë pak i vakët, 2 lugë vaj ulliri, 
5 g kripë (1 lugë e vogël), pak kripë kokërrmadhe sipas dëshirës ose asgjë, ashtu siç e do receta
PËRGATITJA: Me pak ndryshim ndaj recetës origjinale, mund ta përgatisim si më poshtë. Ndezim furrën në temperaturën 240° C. Në një tas (ose në
makinetën e bukës) hedhim miellin dhe fillojmë të shtojmë pjesë-pjesë ujin, ku kemi tretur më parë kripën dhe e kemi përzier me vajin. E punojmë me dorë me shumë energji për disa minuta derisa të shohim që mielli dhe uji janë bërë një masë unike dhe brumi të jetë bërë elastik. E ndajmë brumin në tre topa dhe i hapim me petës e pak miell, i vendosim në tavën e furrës ku kemi shtruar letër furre dhe i shpojmë me pirun, që të mos fryhen gjatë pjekjes. I spërkasim sipër me pak kripë dhe i pjekim në furrë për 10 minuta ose derisa të kenë marrë ngjyrë. Koha e pjekjes varet dhe në bazë të trashësisë së petës. Nëse dëshironi bukë krokante, hapeni brumin të hollë. I lëmë të ftohen dhe i shërbejmë menjëherë.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 15/05/2019 - 10:47

1 kg spinaq

400 gr petë të gatshme

11 vezë

250 gr djathë

100 gr parmezan

1 kokë qepë

 miell

majdanoz

50 gr margarinë

Postuar: 22/04/2019 - 18:47

Mishi i grirë nuk është përbërësi i vetëm kryesor i qofteve !

Postuar: 19/04/2019 - 22:35

Sikurse disa çajra të tjerë bimorë, që kanë veti të mira për shëndetin e njeriut, edhe çaji i zi

Postuar: 19/04/2019 - 14:57

Nëse ka një kërkesë drejt nënave apo gjysheve për të gatuar diçka të mirë e të shijshme, padyshim

Postuar: 16/04/2019 - 12:44

Qoftet janë gjithnjë një ushqim shumë i preferuar.

Postuar: 09/04/2019 - 09:27

Omleta është një ndër ushqimet më të shijshme që ju shoqëron çdo mëngjes dhe ka me dhjetëra mënyr

Postuar: 07/04/2019 - 21:46

E lehtë dhe shumë e shëndetshme.