Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Keni dëgjuar për karkanaqet gjirokastrite? Ja receta e kësaj ëmbëlsire tradicionale

Postuar: 06/09/2018 - 19:44

Sot do t’ju tregojmë një recetë tradicionale gjirokastrite. Receta e karkanaqeve është një recetë shume e vjetër në qytetin e gurtë dhe zonat përreth tij. Janë shumë të ngjashme me ballokumet dhe me gurabijet, por me një shije pak të ndryshme.

Karkanaqet janë përdorur gjithmonë si ëmbëlsira e të dielave në Gjirokastër ku fëmijët merrnin biskotat e shkrifëta nëpër duar dhe rendnin nëpër sokakët e gurtë duke luajtur. Por ju mund të shoqëroni kafen në mëngjes ose një gotë qumësht apo çaj në verandën e shtëpisë tuaj.

Përbërësit:

550-600 gr miell i zakonshëm

200 gramë gjalpë

200 gr sheqer

2 kokrra vezë dhe një e verdhë veze për t’i lyer

2 lugë kafeje me pluhur pjekës

1 bustinë vanilje

1 majë lugë kafeje me kripë

Përgatitja:

Sitim miellin dhe e përziejmë me pluhurin pjekës, me kripën dhe vaniljen.

Vendosim në një tas tjetër ose në mikser gjalpin dhe sheqerin dhe i rrahim mirë deri sa të shkrijë sheqeri dhe të zbardhet masa. Shtojmë vezët një nga një dhe vazhdojmë rrahjen edhe për 2 minuta.

Këtë përzierje e shtojmë dalëngadalë tek mielli duke e punuar me dorë, shikojmë të përftojmë një brumë të butë, jo të fortë i cili nuk ngjitet në duar. Në rast se ngjit, shtojmë shumë pak miell të situr. Nxehim furrën në temperaturën 180 gradë.

Në një llamarinë të furrës shtrojmë letër që nuk ngjit, marrim copa të vogla nga brumi sa një kokërr arre dhe u japim forma tip gërsheti ose të rrumbullakta, i vendosim në llamarinë dy gishta larg njëra-tjetrës pasi fryhen gjatë pjekjes. I lyejmë me furçë me të verdhën e vezës dhe i vendosim në furrën e nxehur që më parë në temperaturën 180 gradë për 18-20 minuta.

/Agjensia e Lajmeve Sot News/

Na Beni Like Ne Facebook: 
Total votes: 13

Lajme nga e njejta kategori

Postuar: 16/11/2018 - 19:40

Supa me hudhra dhe qepë është një recetë perfekte për të rritur mbrojtjen e trupit. Në fakt të dy përbërësit janë të pasur me vitamina, minerale dhe antioksidantë.

Postuar: 16/11/2018 - 15:49

Sot do të sjellim recetën e disa ëmbëlsirave me origjinë nga Savona e Gjenova të quajtura golobet

Postuar: 16/11/2018 - 15:39

Për të gjithë ju që jeni kuriozë të përgatisni vetëm masën e pandispanjës, me shurupin sipër, ju

Postuar: 16/11/2018 - 13:09

Marinimi përdoret për ta zbutur dhe për t’i dhënë akoma dhe më shumë shije mishit.

Postuar: 15/11/2018 - 14:57

Furra nuk është e domosdoshme për të përgatitur kekun tuaj të preferuar.

Postuar: 13/11/2018 - 13:36

Një recetë speciale e pulës së pjekur me disa përbërës fantastik që lehtë gjenden në kuzhinë e që

Postuar: 10/11/2018 - 11:04

Supë me bizele dhe spinaq është ajo çka i duhet trupit tuaj këto kohë.