Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Mënyra më e mirë e përgatitjes së shëndetlies me shije të përsosur

Postuar: 05/12/2018 - 14:24

Në raste festash familjare apo edhe festa të ndryshme përherë amvisat përgatisin shëndetlie.

Një delikatesë e përgatitur me mjeshtëri nga nënat dhe gjyshet shqiptare.

Me arra dhe mjaltë, shëndetlia është një ëmbëlsirë që kënaq nepsin e oreksin në çdo kohë të ditës.

Receta e saj është ndër më të vjetrat e kuzhinës shqiptare dhe një ndër ëmbëlsirat që përherë përcjellin gëzimin dhe harenë familjare.

E përgatitur krejt lehtë, receta e saj kërkon kujdes e mbi gjitha shumë dashuri për të përftuar në fund këtë ëmbëlsirë fantastike të mbushur me arra dhe zbutur me mjaltë.

Shëndetlia shoqërohet mjaft mirë me një filxhan çaj, akullore por edhe fruta të ndryshme, veçanërisht me mollë ose ftonj.

Përgatitja e Shëndetlies krejt lehtë në shtëpi   

(Receta më poshtë është për përgatitjen e 25 copë shëndetlie)

3 gota ujë me miell gruri

1 gotë uji me sheqer

3 lugë gjelle mjaltë

2 kokrra vezë

200 gr gjalpë

200 gr arra

1 lugë kafeje sodë

Pak vanilje

Dy filxhanë kafeje me ujë

(Për shurupin)

3 gota uji sheqer

2 gota e gjysmë me ujë 

Përgatitja

Në një enë përzihen mirë vezët, sheqeri, mjalti dhe gjalpi dhe në fund shtrohen arrët.

Më pas masës i shtohet mielli i përzier me sodë buke.

Zihet brumi, i cili nuk duhet punuar shumë që të mos bëhet elastik.

Brumi i përgatitur vihet në tavë të lyer me pak gjalpë, rrafshohet me dorë, lyhet sipërfaqja me vezë, I bëhet disa viza me pirun dhe piqet për 30-35 minuta.

Pas pjekjes ftohet dhe pritet në formë rombi.

Gjatë kohës që ëmbëlsira piqet përgatisim shurupin, hedhim ujin dhe sheqerin në një enë derisa sheqeri të ketë shkrirë plotësisht dhe të përftohet shurupi.

Në fund mbi ëmbëlsirën hidhet shurupi i vakët i trashë si i bakllavasë dhe i aromatizuar me vanilje.

/Agjensia e Lajmeve Sot News/

Na Beni Like Ne Facebook: 
Total votes: 8

Lajme nga e njejta kategori

Postuar: 10/12/2018 - 08:27

Nëse ka një recetë të traditës shqiptare që është e plotë në shije, e me të cilën nuk ngopesh asnjëherë, ajo është receta e byrekut me mish të grirë, qepë dhe domate.

Postuar: 09/12/2018 - 10:25

Nëse je një nga njerëzit që nuk ulen kurrë në tavolinë për të ngrënë mëngjes, sepse koha nuk të p

Postuar: 07/12/2018 - 12:28

Dikur ishin ëmbëlsirat më magjepsëse për fëmijë e të rritur.

Postuar: 06/12/2018 - 13:26

Një sfidë e vërtetë është për amvisat pjekja e mishit në shtëpi.

Postuar: 03/12/2018 - 14:58

Torta me peta dhe krem qumështi është e famshme në të gjithë botën dhe është një ndër ëmbëlsirat

Postuar: 29/11/2018 - 14:22

E ka emrin supa e Sulltanit sepse ka qenë ndër recetat e veçanta që përgatitej më shpesh e shtroh

Postuar: 29/11/2018 - 13:04

Kjo është një recetë me shijë të mrekullueshme që padyshim mbush gjithë shtëpinë me aromën e saj