BREAKING NEWS

Skandali i Bill Gates, aplikacioni i Covid-19 instalohet automatikisht në telefonat android

Skandali i Bill Gates, aplikacioni i Covid-19 instalohet automatikisht në
x

Guzhinë

Një dorë miell, pak reçel dhe shihni ç'ëmbëlsira shtëpie do të bëni

Një dorë miell, pak reçel dhe shihni

Sot do të sjellim recetën e disa ëmbëlsirave me origjinë nga Savona e Gjenova të quajtura golobetti. Do t’ju tregojmë mbushjen me reçel kajsie, por mund t’i përgatisni edhe me reçel molle e ftoi.

Përbërësit:

  • 250 gr miell 00

  • 150 gr gjalpë i ftohtë

  • 50 gr sheqer

  • 1-2 të verdha vezësh

  • Për mbushjen:

    • reçel kajsie

    • sheqer pluhur

    Përgatitja:

    • Si fillim, përgatisni brumin: Në një enë hidhni miellin dhe gjalpin e ftohtë të prerë në copa. Zëreni brumin me duar dhe pastaj shtoni sheqerin dhe të verdhën e vezës. Vazhdoni të punoni brumin me duar derisa të përzihen gjithë përbërësit, më pas kalojeni brumin në një plan pune dhe krijoni një top.

    • Mbështilleni me qese ushqimesh dhe lëreni në frigorifer për gati një orë. Pastaj hapeni në formë pete në një sipërfaqe me miell dhe priteni brumin me format ku dhe do t’i piqni. Me një formë më të vogël prisni disa rrathë të tjerë brumi për t’ua vendosur sipër. Lyeni format metalike me yndyrë dhe në to rregulloni disqet e brumit duke puthitur mirë anët dhe bazën.

    •  Në qendër të secilës hidhni një lugë e gjysmë reçel dhe mbylleni me një nga rrathët më të vegjël të prerë nga peta e brumit. Shtypini mirë anët. Vendosini format në një tepsi dhe piqini në furrë të parangrohur në 180 gradë për gati 30 minuta. Sapo të piqen, lërini të vaken dhe më pas me majën e një thike ndihmojini për të dalë nga format. Spërkateni sipërfaqen e tyre me sheqer pluhur para se t’i servirni.