Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Rosto viçi me fruta të thata, proshutë dhe rrush; receta me shije shqiptare që duhet ta provoni patjetër

Postuar: 28/03/2019 - 18:08

Mishi i viçit është një nga ato produkte që nuk mungon asnjëherë në tryezat e shqiptarëve, kështu që nëse ju ka mbetur ndopak në frigorifer, mos ngurroni të provoni këtë recetë. 

 
PËRBËRËSIT PËR 5/6 PERSONA: 800 g mish,  100 g proshutë koto në feta,  70 g lajthi të pjekura më parë në furrë ose në tigan pa vaj, ose arra,  100 g djathë kaçkavall që mund të shkrihet, i prerë në feta të holla, 1 bistak rrush, mundësisht pa bërthamë, 1 tufë majdanoz, 1 gotë verë, 1/2 gotë qumësht, 2 lugë gjalpë, 3 lugë vaj ulliri, kripë e piper sipas nevojës dhe spango kuzhine.
 
PËRGATITJA: Mishin e presim në mes me thikë (sikur hapim një libër), e shtypim me rrahësen e mishit dhe e spërkasim me kripë e piper. Vendosim sipër fetat e proshutës, djathit, kokrrat e rrushit të prerë në mes, gjethe majdanozi dhe lajthi. E mbledhim mishin role, e lidhim me spango kuzhine për së gjeri e për së gjati, e lyejmë sipër me pak kripë e piper dhe më pas e skuqim në një tenxhere me 3 lugë vaj dhe 1 lugë gjalpë për 6/7 minuta, derisa të krijojë kore nga të gjitha anët.  Pasi të ketë marrë ngjyrë të kuqërremtë, e shuajmë me verë dhe qumësht. I vëmë kapakun dhe e lëmë në zjarr të ulët për rreth 1 orë, duke e rrotulluar mishin herë pas here me dy lugë druri ose lugë normale që të mos e shpojmë. Koha e zierjes varet se sa i njomë është mishi që do të gatuani.
Kur duhen edhe 10 minuta të përfundojë zierja, në tenxhere shtojmë disa kokrra rrushi dhe lugën e gjalpit që kishim lënë mënjanë. Kur të jetë zier, e lëmë të pushojë pak minuta dhe më pas i heqim spangon dhe e presim në feta. E shërbejmë me salcën që është krijuar në tenxhere.
 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 19/04/2019 - 22:35

Sikurse disa çajra të tjerë bimorë, që kanë veti të mira për shëndetin e njeriut, edhe çaji i zi ka shumë përfitime për shëndetin.

Postuar: 19/04/2019 - 14:57

Nëse ka një kërkesë drejt nënave apo gjysheve për të gatuar diçka të mirë e të shijshme, padyshim

Postuar: 16/04/2019 - 12:44

Qoftet janë gjithnjë një ushqim shumë i preferuar.

Postuar: 10/04/2019 - 13:44

Problemi që haset më shumë kur mishi i pulës gatuhet në furrë, është se bëhet shumë i thatë.

Postuar: 09/04/2019 - 09:27

Omleta është një ndër ushqimet më të shijshme që ju shoqëron çdo mëngjes dhe ka me dhjetëra mënyr

Postuar: 07/04/2019 - 21:46

E lehtë dhe shumë e shëndetshme.

Postuar: 05/04/2019 - 10:44

Kjo është një pjatë fantastike me bazë vezët dhe perimet.