Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Si t’i përdorni petat e gatshme për byrek njëlloj sikur t’i keni bërë vetë në shtëpi

Postuar: 10/02/2019 - 20:14

Hollimi i petëve të byrekut vet në shtëpi është një traditë, me të cilën padyshim krenohen gjithë amvisat.

Por ky proces kërkon kohë, të cilën shumë prej amvisave ndonjëherë nuk e kanë.

Për të shkurtuar kohën dhe për të përfunduar gatimin sa më shpejt, kur është rasti për të përgatitur byrek shumë prej amvisave përdorin petë të gatshme.

Por jo përherë rastis që me petë të gatshme të përgatisësh një byrek të shijshëm. Ndodh që byreku me petë të gatshme shpesh herë të dalë i thatë dhe herë të tjera i qullët.

Do t’ju mësojmë më poshtë një metodë fantastike si të përdorni petat e gatshme për të përgatitur një byrek të shijshëm njëlloj sikur t’i holluar petat vet.

Mund ta përgatisni me çdo mbushje dhe rezultati do të dalë i njëjtë, perfekt për shijen dhe aspak i thatë apo i qullët.

Qumësht me Vaj Ulliri

Ka një sekret në përgatitjen e byrekut me peta të gatshme. Është lyerja e çdo pete me qumësht dhe vaj ulliri.

Mjafton të hidhni qumësht në një tas dhe dy lugë me vaj ulliri.

Më pas, secilën petë që shtroni në tepsi lyejeni me qumështin dhe vajin e ullirit përmes furçës së kuzhinës.

Shtroni katër apo pesë petë si fillim dhe lyejeni secilën me masën e qumështit me vaj ulliri.

Më pas, hidhni gjysmën e mbushjes me të cilin do përgatisni byrekun dhe vijoni me shtrimin e 3 apo 4 petëve të tjera duke i lyer sërish të gjitha me qumësht dhe vaj ulliri.

Shtoni pjesën tjetër të mbushjes dhe vijoni kështu deri në petën e fundit.

Nëse preferoni mbushjen e byrekut mund ta ndani në tre pjesë.

Në fund, lyeni anët e byrekut me pak qumësht dhe vaj ulliri ashtu si edhe sipërfaqen dhe kthejini anët duke i mbyllur me njëra-tjetrën.

Gradacioni i Pjekjes

Kur byreku përgatitet me petë të gatshme është e rëndësishme të dini se gradacioni është pjesë e rëndësishme e procesit.

Furrën nuk duhet ta nxehni në maksimum por rreth 180 gradë si fillim.

Vendosni byrekun e përgatitur në furrë ku zgara të jetë e vendosur në mesin e furrës dhe lëreni rreth 10-minuta aty.

Më pas, AgroWeb.org ju këshillon që tepsinë e byrekut ta ulni poshtë dhe lëreni derisa pjesa e poshtëme e tij të piqet duke e kontrolluar herë pas here.

Kur të jetë pjekur në pjesën e poshtme vendoseni sërish në zgarën e vendosur në mes të furrës dhe lëreni të piqet derisa sipërfaqja të marrë ngjyrën e kuqërremtë.

Në fund, para se të fikni furrën lyeni sipërfaqen e byrekun sërish me pak qumësht dhe me pak gjalpë të freskët në vend të vajit të ullirit dhe më pas fikni sobën dhe lërni byrekut të kullojë dhe të ftohet pak dhe më pas servireni.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 17/07/2019 - 13:32

Koha e përgatitjes: 15 minuta –Koha e gatimit: 25 minuta

Përbërësit:

400 gram kungulleshka

50 gram gjalpë

2 lugë gjelle miell

2 gota kos

2 thelpi hudhër

Postuar: 15/07/2019 - 19:27

Biba me oriz në saç është një gatim që sundon me shijen e tij unike çdo tavoline amvise nikoqire

Postuar: 15/05/2019 - 10:47

1 kg spinaq

400 gr petë të gatshme

11 vezë

250 gr djathë

Postuar: 09/05/2019 - 09:04

Kjo bukë është pjesë e kuzhinës izraelite dhe përgatitet vetëm me miell dhe ujë.

Postuar: 22/04/2019 - 18:47

Mishi i grirë nuk është përbërësi i vetëm kryesor i qofteve !

Postuar: 19/04/2019 - 22:35

Sikurse disa çajra të tjerë bimorë, që kanë veti të mira për shëndetin e njeriut, edhe çaji i zi

Postuar: 19/04/2019 - 14:57

Nëse ka një kërkesë drejt nënave apo gjysheve për të gatuar diçka të mirë e të shijshme, padyshim