Të gjithë do t’iu përgëzojnë/ Vezë të mbushura me djathë dhe erëza, receta që duhet ta provosh të paktën një herë në jetë

Dikush pëlqen të bardhën e vezëve, dikush të verdhën. Mirëpo kjo recetë i ndërthur të dyja kaq mirë, bukur dhe me shije dhe e sigurt që pasi ta provoni një herë do ta dëshironi pafundësisht.

INGREDIENTËT

6 vezë

100 gram djathë i bardhë

2 speca gogozhare të skuqura paraprakisht

1 tufë majdanoz

kripë, piper

vaj ulliri

UDHËZIMET

1-Në një tenxhere me ujë e kripë vendosni për të zierë vezët. Në përfundim i qëroni dhe ndani të verdhën veç, pa e dëmtuar pjesën e bardhë të vezës.

2-Me ndihmën e një piruni shtypni të verdhat e vezëve, në një tas. I shtoni djathin, specat, majdanozin dhe kripën. I përzieni mirë.

3-Shtoni pak piper të bardhë dhe vaj ulliri. Mbushni të bardhat e vezëve me masën që sapo përgatitët.

4-I vendosni me kujdes në një pjatë dhe çfarë prisni? Është koha për t’i shijuar!