Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Çuka e Ajtoit”, vlerë e trashëgimisë në Muzeun Kombëtar

Postuar: 20/04/2017 - 18:29

Në Ditën Ndërkombëtare të Monumenteve, nxënësit e shkollës së mesme “Sami Frashëri”, u kujdesën për të mirëmbajtur një monument të trashëgimisë kulturore siç është “Çuka e Ajtoit”, pjesë përbërëse e Muzeut Historik Kombëtar. 18 Prilli është shpallur “Dita Ndërkombëtare e Monumenteve dhe Dita Botërore e Trashëgimisë Kulturore” dhe në këtë kuadër në ambientet e Muzeut Historik Kombëtar u zhvillua një aktivitet i zgjeruar. Përgjegjësja e Sektorit të Programeve Edukative, Etleva Demollari, u tha nxënësve të “Sami Frashërit” se edukimi i brezit të ri me problematikën e monumenteve është me rëndësi. “Misioni i kësaj dite është edukimi i brezit të ri me problematikën e monumenteve, si dhe tërheqjen e vëmendjes për kujdesin që duhet treguar ndaj trashëgimisë kulturore”, tha mes të tjerave Demollari në fjalën e saj para nxënësve të shkollës së mesme “Sami Frashëri”. Drejtori i Muzeut Historik Kombëtar z. Dorian Koçi, i cili përshëndeti me këtë rast tha se tanimë përkujdesja për trashëgiminë kulturore është kthyer në një prioritet. Sipas tij vetë MHK mbart shumë nga kjo trashëgimi, ndaj dhe bashkëpunimi për mirëmbajtjen është i domosdoshëm. “Trashëgimia kulturore na lidh me të shkuarën dhe na krijon një ide më të qartë mbi qytetërimet. Kjo trashëgimi na jep një krenari të ligjshme, pasi pikërisht në truallin ku jetojnë shqiptarët janë përplasur shumë qytetërime dhe trashëgimia kulturore është e madhe. Vetë Muzeu Historik Kombëtar mbart shumë nga kjo trashëgimi. Prandaj dhe bashkëpunimi për ta mirëmbajtur është e domosdoshme”, tha mes të tjerash drejtori Koçi. Këtë vit aktivitetin e udhëhoqi arkeologu Spiro Nika, i cili iu shpjegoi nxënësve mënyrën sesi u montua “Çuka e Ajtoit” dhe mozaiku “Qilimi i Apolonisë”, në ambientet e atriumit të Muzeut Historik Kombëtar si dhe i këshilloi ata se çfarë u duhet të bënin për ta mirëmbajtur këtë objekt të rëndësishëm të trashëgimisë kulturore. Në nder të “Ditës Ndërkombëtare e Monumenteve dhe Ditës Botërore e Trashëgimisë Kulturore” në Shqipëri ishte  hyrja falas nëpër ambientet ku ekspozohen monumente të kulturës si dhe zhvillohen aktivitete të ndryshme lidhur me vlerat, rëndësinë si edhe rreziqet që i kanosen këtyre monumenteve.

/Agjensia e Lajmeve Sot News/

Na Beni Like Ne Facebook: 
Total votes: 17

Lajme nga e njejta kategori

Postuar: 20/11/2017 - 11:44

Po zhvillohen homazhet nisur në orën 11:00 në nder të kompozitorit të njohur Aleksandër Lalo, i cili u nda nga jeta pas një ataku kardiak.

Homazhet do të mbahen në hollin e Televizionit Shqiptar ndërsa në orën 13:00 do të jetë përcjellja për në banesën e fundit.

Postuar: 19/11/2017 - 08:06

Juria e Panairit të Librit shpalli fituesit e edicionit të njëzet.

Postuar: 19/11/2017 - 08:05

Ekspozita "Tirana urbane grafike" u çel në Muzeun Historik Kombëtar me punime të autorit të njohur Rakip Shabani.

Postuar: 19/11/2017 - 08:01

Gjashtë dekada Ansambli Kombëtar u shënuan përmes koncertit në skenën e Teatrit Kombëtar.

Postuar: 18/11/2017 - 07:50

Në Universitetin e Arteve krijimtaria e kompozitorit  Feim Ibrahimi erdhi në kuadër të festivalit ndërkombëtar “Pianodrom”.  Një videoprojeksion-leksion, m

Postuar: 18/11/2017 - 07:49

"Emigrantët" një shfaqje që aq shumë sjell një realitet të prekur nga ne mbërrin për publikun në skenën e Teatrit Kombëtar Eksperimental “Kujtim Spahivogli&rdquo

Postuar: 18/11/2017 - 07:47

Aktiviteti “Takim brezash” u zhvillua në shesh me një sfilatë me veshje tradicionale të viteve ‘800, veshje të reja të modeluara nga nxënësit e gjimnazeve të k