Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Dasma” dhe “Balloja e diplomës”, balerinët e Kosovës vlerësohen në Tiranë

“Dasma” dhe “Balloja e diplomës”, balerinët e Kosovës vlerësohen në Tiranë

Postuar: 18/03/2014 - 09:08

Baleti “Dasma” dhe “Balloja e diplomës” bëri që trupa e Kosovës të interpretonte në skenën e Teatrit të Operës dhe Baletit pas 34 vitesh mungesë. Balerinët e parë të trupës së Kosovës për interpretimin në skenën e Tiranës tregojnë se do ta mbajnë mend gjatë. Megjithëse kanë bashkëpunuar me trupa nga e gjithë bota këtë e veçojnë dhe shpresojnë që të vijnë sërish. Janë trupë e re e krijuar pas luftës, por i karakterizon vullneti, dhe disiplina ç’ka i bën të ecin përpara edhe pse nuk kanë mbaruar shkollë të mirëfillte baleti. Sinan Kajtazi dhe Leonora Rexhepi janë prima balerinët e trupës, por nuk preferojnë të cilësohen të tillë, pasi fryma e grupit ka shumë rëndësi për to.
 
Vlerësohen kryesisht për baletin modern, por ata nuk bëjnë ndarje mes klasikes dhe kontemporanes. Por jo vetëm balerinët nga Kosova kanë vlerësuar skenën, por dhe publiku i Tiranës ka shprehur shumë  vlerësim për artistët kosovarë të baletit. Publiku i cili ndoqi balerinët e Kosovës, ishte i përbërë nga një masë e madhe e artistëve shqiptarë dhe ndërsa janë hapur perdet dhe ka filluar kënga e "Dasmës" nën tingujt e muzikës së Rexho Mulliqit njëra ndër anëtaret e para të trupës së baletit shqiptar, më shumë se 80 vjeçare, Adaivije Alibali nuk ka mundur t'i mbajë lotët gjatë kësaj shfaqje, por vlerësimi nuk ka munguar dhe nga koreografi Ramazan Bogdani apo skulptori Mumtas Dhrami. “Nuk do mendonim kurrë që do të shikonim një trupë baleti nga Kosova me një nivel artistik kaq të lartë”, pohon koreografi dhe studiuesi Ramazan Bogdani, pas shfaqjes së baletit “Dasma”, që është dhënë të dielën në mbrëmje në Teatrin e Operës dhe Baletit në Tiranë.
 
“Është bërë goxha rrëmujë këtu, por sepse njerëzit duan ta shohin një trupë baleti që nuk e kanë parë asnjëherë", ka pohuar shkurt skulptori i njohur Mumtas Dhrami, teksa mbante në dorë biletën dhe priste radhën të hyjë në sallë. Baleti “Dasma”, që erdhi në skenë nga balerinët e Kosovës, nëpërmjet dashurisë së të rinjve nxirren në pah ndasitë e mëdha në mes të dy popujve, ku politika është kontribuesi më i madh në kultivimin e urrejtjes dhe ndasisë. Mesazhi i “Dasmës” është shumë i qartë, dashuria nuk njeh kufij e pengesa. E ndërsa “Dasma” erdhi në skenë vetëm me balerinët nga Kosova edhe “Balloja e diplomës” bëri që artistët të merrnin  jo pak vlerësim mbrëmjen e së hënës.
 

/Agjensia e Lajmeve Sot News/

Na Beni Like Ne Facebook: 
Total votes: 25

Lajme nga e njejta kategori

Postuar: 21/10/2017 - 13:33

Një ekip profesionistësh ndërkombëtarë ishin të ftuar nga Agjencia Kombëtare e Bregdetit për të eksploruar thellësitë e kanioneve të Nivicës një prej vendeve ende të pa njohura në qarqet alpinistike europiane.

Postuar: 21/10/2017 - 08:13

Galeria Kombëtare e Arteve dhe Ambasada Gjermane në datën 24 tetor sjellin ekspozitën “Rosemarie Trockel- Vizatime, Objekte dhe Video të Përzgjedhura”, të artistes s

Postuar: 21/10/2017 - 08:12

“Grand Gala De La Zarzuela” sjell në skenë orkestrën, korin, solistët dhe artistë nga trupa e baletit për një shfaqje ndryshe, me dirigjentin e ftuar nga Spanja, Ric

Postuar: 21/10/2017 - 08:10

Gjatë punimeve për pastrimin dhe sistemimin e korridorit të kalimit përgjatë gjurmës së Gazsjellësit Trans Adriatik, TAP, në afërsi të fshatit Vodicë në Berat, u zbuluan rrënoja

Postuar: 21/10/2017 - 08:08

Në pikturat murale, mozaikët, veprat e artit etj, mungojnë studimet dhe botimet.

Postuar: 20/10/2017 - 17:47

Aktori i njohur  Ndriçim Xhepa, gjatë viteve të fundit, është prekur nga një sëmundje aspak e lehtë për t’u ndjekur e përmirësuar. 

Postuar: 20/10/2017 - 07:49

Komedia "8 Femra" u rikthye për publikun në skenën e Teatrit Kombëtar, për të vijuar dhe në mbrëmjet e së premtes, shtunë dhe të dielës.