Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Ditët e Kujtesës 2017”, lexohet dosja e Musine Kokalarit

Postuar: 23/11/2017 - 07:45

Në kuadër të “Ditëve të Kujtesës 2017”, në Muzeun Historik Kombëtar u zhvillua leximi publik i dosjes së disidentes Musine Kokalari, organizuar nga IDMC në bashkëpunim me Institutin Musine Kokalari dhe Autoritetin për hapjen e dosjeve të komunizmit. Ky event pati synim të inkurajojë diskutimin publik mbi regjimin diktatorial në Shqipëri. Linda Kokalari, drejtore e institutit “Musine Kokalari”, foli për jetën, punën, veprën dhe procesin e ndjekjes e gjyqeve të Musine Kokalarit marrë nga dosja e saj. Ajo lexoi dhe një pasazh nga ditari i Musinesë, për të treguar palëkundjen e saj në lidhje me kritikat ndaj regjimit të kohës. “18 Prill 1945, e shtunë. Hija e vdekjes mbulon qytetin. Kënga e vdekjes hyn shtëpi më shtëpi. Pse hesht njerëzia? Pse shtëpia është e ftohtë, dhe dhembja dëgjohet akoma më shumë... Unë jam fajtore, sipas pikëpamjeve tuaja, sipas të mijave jo”, lexoi ajo nga ditari. Përmes dosjes së saj dhe dosjeve të tjera të Sigurimit dalin në pah edhe probleme të tjera siç është inkriminimi i ish të përndjekurve si bashkëpunëtorë të regjimit, gjë që do kërkojë kohë të provohet. Nevila Nika, ish drejtoreshë e AQSH e pranishme në takim, u shpreh se studiuesit nuk janë marrë aspak me fajtorët e vërtetë, drejtuesit që erdhën në pushtet pasi forcat partizane morën pushtetin. “Ata asgjësuan shumë njerëz, kush ishin ata që i shërbyen me zell diktatorit?, tha ajo. Drejtori i Muzeut Historik Kombëtar, Dorian Koçi, lexoi një pasazh nga dosja e Musinesë mbi aktivitetin e saj. Sipas tij aty përdorej gjuha e urrejtjes, dhe dihet që personat e rekrutuar nga Sigurimi ishin njerëz të pashkolluar. “Gjatë luftës, Musineja ka qenë pjesë e rezistencës, por jo mbështetëse e komunistëve, dhe ky ishte faji kryesor i saj”, tha ai. Skënder Vrioni, specialist i informacionit në Autoritetin për Informimin mbi Dokumentet e ish-Sigurimit të Shtetit, foli rreth rëndësisë së hapjes së dosjeve dhe rolin e AIDSSH, si edhe shpjegoi gjithë procedurën e ndjekur për deklasifikimin e dosjes së Musine Kokalarit. Persida Asllani, Drejtore e Bibliotekës Kombëtare, foli rreth veprave letrare të Musine Kokalarit dhe botimit të tyre, si edhe futjen e figurës së Musinesë në tekstet shkollore.

/Agjensia e Lajmeve Sot News/

Na Beni Like Ne Facebook: 
Total votes: 12

Lajme nga e njejta kategori

Postuar: 21/02/2018 - 08:06

Artistët e artit pamor kundërshtojnë Ministrinë e Kulturës për ndryshimin që i bëhet Galerisë Kombëtare të Arteve me projektligjin e ri për artin dhe kulturën. Ky projektligj, i cili deri tani është kundërshtuar jo pak dhe për artistët e artit pamor ndryshimet e propozuara kanë shumë paqartësi.

Postuar: 21/02/2018 - 08:04

Ekspozita “Larg dhe afër” ka sjellë në Tiranë 13 artistë nga Lugina e Preshevës , Bujanovci dhe Medvegja, që për herë të parë ekspozojnë veprat e tyre për publikun n

Postuar: 21/02/2018 - 08:03

Në Muzeun Historik Kombëtar u çel ekspozita "Komunizmi në epokën e tij".

Postuar: 21/02/2018 - 08:02

Komedia “Një ëngjëll në katin e 11” shkruar dhe me regji nga Stefan Çapaliku rikthehet për publikun nga e enjtja deri mbrëmjen e së dielës në Teatrin e Metropolit.

Postuar: 20/02/2018 - 08:16

"Boeing Boeing" cilësua r s i k o m e d i a e jashtëzakonshme rikthehet në skenën e Teatrit Kombëtar Eksperimental “Kujtim Spahivogli” për pesë net me radh

Postuar: 20/02/2018 - 08:15

Në një kohë kur këto ditë po flitet jo pak për çështjen e Teatrit Kombëtar, aktori Klodian Hoxha shprehet se një tjetër problem janë dhe artistët e rinj.

Postuar: 20/02/2018 - 08:13

Shfaqja teatrore “Rojat e Taxhit” u mirëprit nga publiku në skenën e Teatrit Kombëtar.