Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Legjenda është kthyer në shtëpi”, me vepra të artistëve shkodranë

Postuar: 18/08/2017 - 08:09

Ekspozita “The legend is back home” kushtuar dhe frymëzuar nga legjenda e kështjellës së Shkodrës, “Rozafës”, e cila gjithmonë i ka bërë njerëzit kureshtarë rreth historisë së saj vijon ditët në galerinë e artit “Kalo”. Ekspozita “Legjenda është kthyer në shtëpi” vjen me punë të artistëve shkodranë. Në galerinë “Kalo” janë prezantuar vepra të autorëve si Kol Idromeno, Danish Jukniu, Sytki Brahimaj, Edi Hila, Artan Draçini, Merita Selimi, Gjon Jon Kraja, Andi Hila, Sidi Kanani, Eros Dibra, Pjerin Kolnikaj, etj. Më herët veprat e autorëve shkodranë u prezantuan dhe në Strasburg e më gjerë. Piktori shkodran Andi Hila e vlerëson pjesëmarrjen në ekspozitën, e cila këto ditë vere do të qëndrojë për publikun në galerinë “Kalo” deri më datë 20 gusht. Udhëtimi i ekspozitës si fillim nisi me titull “Legjenda e një kështjelle / Legende de la Citadelle”, që filloi në Strasburg. Por tani ajo vjen me titullin “The legend is back home” këto ditë vere për publikun, i cili mund të njihet me veprat e autorëve të njohur, por dhe të rinj shkodranë në galerinë “Kalo”. Ekspozita tregon ndikimin e historisë së qytetit dhe legjendës së kështjellës, e ndërtuar në sajë të sakrificës së gruas e nënës së re Rozafës- në formimin e artistëve, që e kanë bërë këtë qytet të ketë një rol udhëheqës në mbajtjen dhe zhvillimin e mëtejshëm të kulturës, artit dhe sportit në të gjithë Shqipërinë. Përzgjedhja e veprave është frymëzuar nga ideja se artistët që e kanë origjinën nga qytete e kështjella të rrethuara me mister dhe legjendë, e reflektojnë frymën e legjendave edhe në artin e tyre. Shkodra ka edhe një numër të madh heronjsh, që janë në qendër të legjendave dhe historive, si Gjergj Elez Alia, Muji e Halili, Kostandini etj. Në këto ditë vere kur aktivitetet e tjera në institucionet e artit mungojnë, publiku në mjediset e kësaj galerie mund të gjejë veprat e autorëve shqiptarë që janë pjesë e koleksionit të galerisë. Legjenda e Rozafës është një legjendë e përcjellur brez pas brezi. Ajo është trashëguar dhe përshtatur më së miri nga penda e prozatorit të njohur Mitrush Kuteli për të gjithë lexuesit në librin “Tregime të Moçme Shqiptare”. 

/Agjensia e Lajmeve Sot News/

Na Beni Like Ne Facebook: 
Total votes: 22

Lajme nga e njejta kategori

Postuar: 22/07/2018 - 07:23

Këshilli Kombëtar i Restaurimeve ka miratuar projektin për restaurimin e Urës së Golikut, Pogradec.

Postuar: 22/07/2018 - 07:22

Mbrëmja e 25 korrikut i kushtohet Tefta Tashko Koços në qytetin e Korçës.

Postuar: 22/07/2018 - 07:20

Në art dhe kulturë po bëhen ligje për të shkatërruar dhe jo ndërtuar.

Postuar: 21/07/2018 - 07:39

Galeria Kombëtare e Arteve ndërsa fton publiku të vizitojë ekspozitën e artistit Edi Hila shton s

Postuar: 21/07/2018 - 07:38

Ansambli Popullor sonte në mbrëmje me shfaqjen premierë “Sokaku i të marrëve” në Gjir

Postuar: 21/07/2018 - 07:35

Inxhinieri dhe restauratori Pavlo Shkarpa pohon se në trashëgiminë kulturore mungojnë ndërhyrjet

Postuar: 20/07/2018 - 21:29

“Dhe nëse ai hedh këtë (Teatrit) në erë, pallatet do hidhen në erë”.