Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Një ëngjëll në katin e 11”, një gjuhë teatrore bashkëkohore në Metropol

Postuar: 21/02/2018 - 08:02

Komedia “Një ëngjëll në katin e 11” shkruar dhe me regji nga Stefan Çapaliku rikthehet për publikun nga e enjtja deri mbrëmjen e së dielës në Teatrin e Metropolit. Kjo është dhe premiera e parë për këtë sezon artistik të këtij viti, që u çel me një vepër shqiptare. Rolet në vepër regjisori ia ka besuar aktorëve Ervin Bejleri, Ilirda Bejleri, Erjon Hinaj. “Një ëngjëll në katin e 11” është një ndër 25 veprat dramatike të Stena Çapalikut, e cila shënon një ngjarje në estetikën e veprave të veta, duke i hapur shteg dramaturgjisë së mbështetur në ngjarjet e mendjes. Një komedi urbane që sipas regjisorit i kalon kufijtë e postmodernes drejt asaj që thirret estetikë e artit bashkëkohor, duke kërkuar kështu edhe një gjuhë teatrore bashkëkohore. Skenografia është realizuar nga Sadik Spahia, koreograf Gjergj Prevazi dhe kompozitor Agron Shala. Ngjarjet e shfaqjes zhvillohen në një stacion treni, gjatë natës. Askush përveç dy udhëtarëve të rastësishëm dhe më pas, si çdo njohje tjetër, edhe kjo, mediokre. Një apartament në katin e njëmbëdhjetë, një çift po bën dashuri. Telefoni ndërpret flirtin e tyre: burri i saj do të arrijë nga çasti në çast. Djali do t’ia mbathë, por ashensori është jashtë funksionit. Nëse merr shkallët, rrezikon të ndeshet me fytyrën e burrit. As nuk mund të hidhen nga dritarja. Pikërisht në çastin kur ai mendon, kur koha mbaron. Ka një trokitje në derë. Në vend të burrit, shfaqet një dëshmi e Jehovait, duke mbajtur një Bibël në dorë. Atij po i merret fryma nga shkallët dhe nuk ndihet mirë. I riu dhe gruaja i japin atij ndihmën e parë. Dëshmitari i Jehovait, vjen në vete dhe fillon një fjalim patetik rreth familjes. Dhe si për të dashur t’i japë me të vërtetë fund fjalimit të vet, ai vdes. Dashnorët e vendosin atë në shtratin e tyre dhe fillojnë të flasin për jetën e vet. Ndërkaq, burri që pritet nuk vjen kurrë. Ai është thjesht një fiksim i mendjes së tyre të lodhur nga rutina e një marrëdhënie banale. Sërish një stacion treni natën. Askush në të përveç dy udhëtarëve të rastësishëm dhe më pas, siç do njohje tjetër, edhe kjo, mediokre.

/Agjensia e Lajmeve Sot News/

Na Beni Like Ne Facebook: 
Total votes: 36

Lajme nga e njejta kategori

Postuar: 16/11/2018 - 17:08

Shqipëria do të përballet me Skocinë ditën e shtunë në takimin e vlefshëm për Grupin 1 të Ligës së Kombeve.
 

Postuar: 16/11/2018 - 07:27

Në Pallatin e Kongreseve, Shoqata e Botuesve Shqiptarë organizoi konferencën "Sfidat e lexim

Postuar: 16/11/2018 - 07:25

Teatri “Zihni Sako” në qytetin e Gjirokastrës në 50 -vjetorin e tij ka sjellë dhe edi

Postuar: 16/11/2018 - 07:24

Drama "Oskari dhe tezja Rozë" për dy mbrëmje në skenën e teatrit “Migjeni”

Postuar: 16/11/2018 - 07:23

 Projektligj për librin është i paqartë për botues të ndryshëm.

Postuar: 15/11/2018 - 07:29

 Festivali ndërkombëtar “Pianodrom” po zhvillon edicionin e gjashtë në Tiranë.

Postuar: 15/11/2018 - 07:28

Teatri Kombëtar Eksperimental "Kujtim Spahivogli" sjell mbrëmjen e së shtunës premierën