Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Pianodrom” sjell në skenën shqiptare japonezen Akina Yura

“Pianodrom” sjell në skenën shqiptare japonezen Akina Yura

Postuar: 23/09/2015 - 08:30

Festivali Ndërkombëtar “Pianodrom” ka startuar në edicionin e tij të tretë në Tiranë. Ditën e hënë përpara publikut shqiptar performoi pianistja japoneze me banim në SHBA, Akina Yura. Programi i zgjedhur nga Jura, çka edhe emërtoi koncertin “Worlds Sounds”, ishte tejet heterogjen dhe prezantoi një repertor të cilin rrallë herë ke rastin ta dëgjosh në koncertet pianistike në Shqipëri. Veprat e përzgjedhura ishin prej klasikëve të repertorit pianistik siç është Frederik Shopen për të vazhduar me spanjollin Manual de Falla, argjentinasin Alberto Ginastera  e deri tek japonezi Mutsuo Shishido.
 
Pianistja japoneze Akina Yura interpretoi mjaft mirë secilin prej autorëve të sipërpërmendur megjithëse programi ishte disi sfidues meqenëse kompozitorët në fjalë janë tejet të ndryshëm nga njëri-tjetri, qoftë për sa i përket teknikave pianistike të përdorura prej tyre e qoftë prej tingëllimit, që duhet të rezultojë. Veprat surprizë për publikun shqiptar ishin ato te Ginastera dhe Shishido, ku këtij të fundit duhet thënë se ishte dedikuar hapësirë kryesore e koncertit. Sikurse u shpreh edhe vetë pianistja, Mutsuo Shishidos u paraqit me disa vepra, sepse vetë Yura dëshironte të interpretonte  sa më shumë vepra nga kompozitorët japonezë në mënyrë që kultura japoneze të mund të prezantohej edhe në Shqipëri. Në fakt për vetë strukturën tingëllore të kudondodhur në Japoni, por po aq në Shqipërinë e Jugut, pikërisht pentatonin, veprat e Shishidos, sidomos vepra e parë, tingëlluan krejt familjare për publikun shqiptar.
 
Sidomos Tokata e Shishido-s, e cila përmbylli koncertin, krijoi një atmosferë shpërthyese çka u pasua nga duartrokitjet e zgjatura që e detyruan Akona Yuran të kthehej disa herë në skenë. Sigurisht që koncerti i Yuras ishte ndër koncertet e rralla që mbahen në Tiranë, por gjithsesi “Pianodrom” edicioni i tretë sapo ka nisur dhe takimi i rradhës do të jetë datë 28 shtator në Universitetin e Arteve me një tjetër koncert që do të sjellë në skenë një tjetër artist, ku publiku do të përcillet krijimtari muzikore që mbanë emrin e autorëve të njohur.
 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 23/06/2019 - 08:03

 "Open Cinema" sezonin e tretë e nisi në qytetin e Belshit, ku për shtatë net me radhë u shfaqën filma të ndryshëm.

Postuar: 23/06/2019 - 08:02

Festivali “Fabrika e pejzazheve muzikore” po vijon me koncertet e tij në skena.

Postuar: 23/06/2019 - 07:59

 Në jetën artistike me teatrin regjisori Dhimitër Orogocka po vijon aktivitetin e tij, duke

Postuar: 22/06/2019 - 07:32

Festival “Open on Tour” po vijon në skena të ndryshme të vendit.

Postuar: 22/06/2019 - 07:30

Filmi “Streha mes reve” me skenar dhe regji nga Robert Budina është përzgjedhur në &l

Postuar: 22/06/2019 - 07:29

Një grup fëmijësh të talentuar me vështirësi në shikim, të Institutit “Ramazan Kabashi&rdqu

Postuar: 22/06/2019 - 07:27

Specialistët e trashëgimisë kulturore shprehen se në dy dekadat e fundit ata që cilësohen si prof