Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Ansambli Popullor, aktivitet me vlerësime në skena të huaja

Postuar: 11/07/2019 - 07:34

Arkivi i Teatrit Kombëtar të Operës dhe Baletit dhe Ansamblit të Këngëve dhe Valleve Popullore është i pasur me materiale të ndryshme të aktiviteteve që janë zhvilluar ndër vite. Dekada më parë artistët shqiptarë dhe në skenat e huaja kanë marrë shumë vlerësime. Nga arkivat institucioni sjell këtë herë vëmendje mbi punën, që ka bërë në vite më parë Ansambli i Këngëve dhe Valleve Popullore. TOB ka publikuar foto nga turneu i zhvilluar në Kinë dhe në Kore në vitin 1974. TOB mes të tjerave shkruan se larmia e madhe e folklorit tonë si dhe kostumet popullore vazhdojnë dhe sot të tërheqin spektatorin e huaj. “Kemi shkëputur nga historiku i aktiviteteve të Ansamblit të Këngëve dhe Valleve Popullore këto foto nga turneu i zhvilluar në Kinë dhe në Kore, në verën e vitit 1974. Këngët dhe vallet e interpretuara nga artistët tanë u cilësuan si një buqetë lulesh të freskëta dhe shumëngjyrëshe. Larmia e madhe e këngëve, valleve, kostumeve dhe repertorit të pasur të ansamblit vazhdon të tërheqë vazhdimisht spektatorin e huaj”, shkruan Teatri i Operës dhe Baletit. Ansambli i Këngëve e Valleve Popullore (AKVP) ose Ansambli Shtetëror, është krijuar në vitin 1957 si ansambël profesionist. Ky ansambël përbëhet nga solistët këngëtarë, orkestrina, grupi i valleve dhe kori. Qëllimi i AKVP-së është në përpunimin, zhvillimin dhe përhapjen e thesarit folklorik të Shqipërisë. Këtu përfshihen pasuritë e mëdha folklorike vokale, instrumentale, koreografike dhe kostumografike, që variojnë nga zona në zonë, duke krijuar një koloritet motivesh. Folklori shqiptar shquhet për origjinalitetin, lashtësinë dhe shumëllojshmërinë e gjinive artistike. Zonat e shumta etnografike kanë veçantitë e veta në këngët, vallet, kostumet, ritet e zakonet. Mbështetja e AKVP-së tek kjo pasuri burimore dhe ekspeditat e ndryshme të zhvilluara në të gjitha zonat kanë bërë që AKVP-ja të jetë jo vetëm krenaria e kulturës tradicionale shqiptare, por edhe të mahnisë me vlerat e tij studiues e folkloristë nga e gjithë bota. AKVP-ja prej dekadash është kthyer në një laborator për përpunimin dhe interpretimin me kërkesa mjaft të larta artistike të thesarit të madh burimor folklorik duke bërë të mundur transmetimin e tij brez mbas brezi.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 18/09/2019 - 07:40

Sezoni artistik në teatrin “Aleksandër Moisu” në Durrës nis me një nga kryeveprat e komedisë ruse, “Revizori” nga shkrimtari i madh rus Nikolai Gogol.

Postuar: 18/09/2019 - 07:40

Sezoni artistik në teatrin “Aleksandër Moisiu” në Durrës nis me një nga kryeveprat e

Postuar: 18/09/2019 - 07:38

Institucionet nuk tregojnë interes për veprat e artistëve të njohur shqiptarë, por kjo situatë si

Postuar: 17/09/2019 - 07:36

Teatri i Operës dhe Baletit e çel sezonin artistik në sheshin “Skënderbej”.

Postuar: 17/09/2019 - 07:35

Teatri Kombëtar Eksperimental “Kujtim Spahivogli” çel sezonin artistik me shfaqjen te

Postuar: 17/09/2019 - 07:33

Filmi “Streha mes reve” me skenar dhe regji nga Robert Budina është përcjellë me inte

Postuar: 17/09/2019 - 07:32

Filmat shqiptarë për restaurimin e tyre kërkojnë një projekt dhe fond të veçantë nga shteti.