BREAKING NEWS

Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...

Gati të fundoset grupi organizator i biznesit të armëve në
x
BREAKING NEWS

Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’

Daut Gumeni: Ja pse socialistët dhe Gentiana Sula bllokuan hapjen e dosjes
x
BREAKING NEWS

Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi

Plas skandali, Kuvendi i Shqipërisë vihet nën akuzë për
x
BREAKING NEWS

Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...

Pasuria e dyshimtë e “sheikut” të Kuvendit Laert Duraj
x
BREAKING NEWS

Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK

Ja pazaret e PS dhe Rithemelimit, si po mbrojnë korrupsionin e Klodian
x
BREAKING NEWS

Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet

Rama-Berisha ngrenë komision për të shkatërruar SPAK dhe
x
BREAKING NEWS

Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë

Plas skandali i Portit të Vlorës, ja si iu falën Samir Manes 57
x
BREAKING NEWS

Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...

Gazetarja e njohur paralajmëron arrestime të bujshme në
x

Kultura

Ansambli Popullor koncert në nderim të kompozitorit dhe dirigjentit Haxhi Dalipi, një repertor plot këngë, korale dhe valle të kompozuara prej tij

Ansambli Popullor koncert në nderim të kompozitorit dhe dirigjentit

Një repertor plot këngë, korale dhe valle të kompozuara, përpunuara dhe orkestruara për Ansamblin Popullor, nga “Artisti i Merituar” dhe “Mjeshtri i Madh” Haxhi Dalipi do të vijë në koncertin e mbrëmjes së 17 marsit. Në 80-vjetorin e lindjes së “Shpirtit të Labërisë”, TKOB vjen me një koncert të Ansamblit Popullor, në nderim të kompozitorit dhe dirigjentit, Haxhi Dalipi. Kjo për të kujtuar vlerat dhe pasuritë e patjetërsueshme të kulturës sonë kombëtare, ku qëndron edhe kontributi me vlerë i etnomuzikologut e studiuesit të spikatur Haxhi Dalipit. Një koncert me grupin vokal, solistët dhe valltarët e Ansamblit Popullor. Ideator Klodian Qafoku, drejtues i grupit vokal Gramoz Burba, drejtues orkestre Alban Tahiri, orkestra e AP dhe dirigjent Vladimir Hasimi. Artistët e Ansamblit Popullor do të sjellin një koncert me një program të pasur muzikor, por dirigjenti dhe fizarmonçist prej 49 vitesh Vladimir Hasimi shprehet se me kompozitorin Haxhi Dalipi “Mjeshtër i Madh” kanë pasur shumë lidhje shoqërore-artistike për muzikën folklorike dhe qytetare vlonjate. “Me vitalitetin e tij me shumë respekt na ka ndihmuar për motive vallesh epike, lirike, nga Vranishti, Kanina, Kuçi, Himara, etj, që i kemi vënë në skenë prej shumë vitesh”, tregon ndër të tjera Vladimir Hasimi dirigjent i njohur orkestrës

Ansambli Popullor koncert në nderim të kompozitorit dhe dirigjentit

Koncertet dhe bashkëpunimet

Dirigjenti dhe fizarmonçisti Vladimir Hasimi tregon se gjatë kohës që Haxhi Dalipi “Mjeshtër i Madh” punoi për të ngritur në nivel shumë profesional Ansamblin Popullor ai bëri recitalin e Grupit të Valleve, ku u spikat bashkëpunimi mes dy kompozitorëve Haxhi Dalipi me Tish Daijën me vallen Labe. Po ashtu dhe recitalin e korit dhe solistëve, me këngët e njohura, Kënga e Nënës që e kishte për zemër, “Janinës çi panë sytë, “Vajz’ e Valëve”, recitalin e orkestrës dhe shumë koncerte brenda dhe jashtë vendit. Dirigjenti Hasimi tregon se ai bëri shumë bashkëpunime dhe koncerte me ansamblet kombëtare si “Shota” , “Xheladin Zeqiri” të Tetovës dhe me të gjithë ansamblet shqiptare brenda dhe jashtë kufijve. “Nderim dhe respekt për veprat muzikore-ideore, që ka lënë pas për të gjithë brezat”, shprehet Hasimi. Drejtues i orkestrës Alban Tahiri thotë se ky koncert që do të zhvillohet të premten ka një angazhim maksimal. “Përveç anës profesionale që në çdo koncert ne japim më të mirën tonë, Haxhi Dalipi ka qenë përpara shumë vitesh drejtori i ansamblit, kështu që në këtë rast jemi të detyruar të japim më shumë se 100 për qind. Programi do jetë i larmishëm dhe mendoj se publikut do i pëlqejë dhe do t’i dhurojmë një mbrëmje të këndshme”, thotë Tahiri. Drejtuesi Alban Tahiri thotë se orkestra vjen në këtë koncert pas disa shfaqjeve shumë të mira. “Dua të them që kemi pasur një program shumë të ngjeshur dhe për këtë falenderimi vjen dhe për drejtoreshën përgjithshme Abigeila Voshtina, e cila duhet përgëzuar për përkushtimin e saj për ansamblin, na ka dhënë shumë mundësi për projektet dhe idetë tona”, thotë ai.

Ansambli Popullor koncert në nderim të kompozitorit dhe dirigjentit

Ideja për zhvillimin e koncertit

Koncerti që do të zhvillohet në nder të kompozitorit dhe dirigjentit Haxhi Dalipi ka si ideator kompozitorin Klodian Qafokun. Ai tregon se ideja për këtë koncert me artistët e Ansamblit Popullor lindi vjet në nëntor në qytetin e Vlorës. “Në 28 nëntor të vitit të kaluar, në qytetin e Vlorës u zhvillua një koncert në nder të kompozitorëve vlonjatë për kontributin e tyre në vite. Një ndër ta ishte dhe prof. Haxhi Dalipi, ku iu luajt një vepër, Variacione për piano. Aty lindi ideja që prof. Haxhiut në 80- vjetorin e lindjes së tij, t’i dedikohej një koncert kushtuar figurës së tij, pikërisht me Ansamblin Popullor, pasi ai për 4 vjet ka qenë drejtues i këtij ansambli, duke kontribuar shumë në ngritjen e nivelit artistik, me koncerte të panumërta brenda dhe jashtë vendit. Pas kërkesë -idesë dhe përgjigjes pozitive nga titullarja e Teatrit Kombëtar të Operës dhe Baletit, znj. Abigeila Voshtina, u bëmë bashkë për të ngritur këtë koncert plot vlera, me një repertor ku tërësisht janë vepra të cilat Haxhi Dalipi ka përpunuar, orkestruar apo kompozuar për Ansamblin Popullor”, tregon kompozitori Qafoku. Një program muzikor i pasur do të jetë me këtë koncert, ku ideatori Klodian Qafoku tregon se së bashku me drejtuesin e orkestrës dhe violinistin e Ansamblit Popullor Alban Tahiri, mblodhën të gjithë materialet e shumta, të cilat prof. Haxhiu kishte arkivuar në arkivin muzikor të TKOB-së, por dhe materiale muzikore të cilat janë ruajtur nga familjarët e tij, ku ai thotë se gjen rastin t’i falenderojë për mbështetjen që kanë dhënë për këto partitura të vyera. “Përgjithësisht, repertori përmban materiale muzikore popullore të Shqipërisë së Jugut. Këngët si: Thuam të dua, Të kisha trupin tënd, O shokë medet medet, etj, janë këngë të cilat në kujtesën e gjithsecilit nga ne janë padyshim aroma e muzikës qytetare vlonjate, ku prof. Haxhiu zhvilloi dhe pasuroi më tej këtë kulturë muzikore. Nuk mungojnë këngët iso-polifonike, ku dora dhe mendja e Haxhi Dalipit ka zhvilluar dhe përpunuar këto këngë, duke i ngritur në nivele të tjera si “Vajz’ e Valëve”, apo vallja e kënduar Shpata jonë gris ferman, apo vallja Sup më sup, etj”, tregon Klodian Qafoku.

Ansambli Popullor koncert në nderim të kompozitorit dhe dirigjentit

Haxhi Dalipi përfaqëson një dimension të gjërë të figurës së artistit

 Në koncertin nga Ansambli Popullor do ketë gjithashtu përshtypje dhe mbresa të shkurtra që prof. Haxhi Dalipi ka lënë tek miqtë e tij, profesorë, akademikë, kompozitorë, etj. Ideatori i koncertit Klodian Qafoku shprehet se Haxhi Dalipi “Mjeshtër i Madh” përfaqëson një dimension të gjerë të figurës së artistit. “Unë e shoh në 5 plane: Krijuese - Studiuese - Interpretative - Pedagogjike dhe Menaxhuese”, shprehet ideatori Klodian Qafoku kompozitor. Si krijues shprehet Klodian Qafoku, ai ka lënë një numër të madh veprash të gjinive të ndryshme muzikore si: Suitë për orkestër simfonike, Valle simfonike, vepra pianistike, muzikë dhome, romanca vokale, etj. “Si studiues, ai ka hulumtuar pothuajse gjithë Labërinë e Myzeqenë, duke mbledhur, incizuar shtëpi me shtëpi, duke u njohur me perla të këngëve iso-polifonike, të cilat më pas ai i ngriti në Festivalin Kombëtar të Gjirokastrës e më gjerë. Si dirigjent, interpretoi koncerte të ndryshme simfonike në qytetin e Vlorës, të autorëve të huaj dhe vendas”, shprehet Qafoku. Si pedagog, vijon kompozitori Klodian Qafoku, Haxhi Dalipi ka një kontribut në arsimimin e shumë nxënësve të shkollës së mesme artistike “Naim Frashëri”, si dhe studentëve të lëndës së Folklorit në Akademinë e Arteve (sot Universiteti i Arteve). Si menaxhues, vijon Klodian Qafoku ai diti të krijojë e të drejtojë institucione të rendësishme artistike.

Kontributi në fushën e muzikës

Haxhi Dalipi (1943-2006) lindi në qytetin e Gjirokastrës, në një familje qytetare atdhetare dhe qysh fëmijë u rrit e jetoi në qytetin e Vlorës, ku dhe nisi vitet e para të shkollimit e të krijimit artistik. Mbaroi për flaut Liceun Artistik “Jordan Misja”, si nxënës i veçantë e i zgjedhur i të madhit Ramadan Sokoli. Më pas, punoi disa vite si mësues muzike në disa shkolla të rrethit të Vlorës, veçanërisht u dallua si mësues muzike në Himarë. Më vonë studioi për dirigjent dhe kompozicion. I arsimuar fillimisht si instrumentist, dhe më vonë si dirigjent kori e kompozitor me profesorët Çesk Zadeja dhe Kostandin Trako, “Mjeshtri Madh” Haxhi Dalipi gjatë jetës së tij artistike e shkencore, u afirmua për të merituar plotësisht tituj të ndryshëm profesionalë, si: dirigjent, kompozitor, pedagog, studiues, arkitekt i festivaleve folklorike, udhëheqës artistik, mik i muzicientëve të rinj, drejtues i muzikës tradicionale labe dhe mbarë muzikës tradicionale shqiptare. Haxhi Dalipi ka dhënë kontributin e vet në etnomuzikologjinë shqiptare, ka krijuar dhe riorkestruar shumë këngë e valle popullore shqiptare, nga të gjitha trevat e Shqipërisë, që nga Kosova, Tropoja, Shqipëria e Mesme e Labëria, duke i sjellë të rifreskuara për publikun. Ai, për vite me radhë, ka qenë udhëheqës artistik i ansamblit “Labëria”, po ashtu, për shumë vjet ka qenë drejtues muzike në Qendrën Kulturore dhe drejtor i Shkollës Artistike “Naim Frashëri” në qytetin e Vlorës, themeluesi dhe arkitekti i Orkestrës Simfonike të qytetit, drejtor i shkollës së muzikës në Vlorë, drejtor i Ansamblit Artistik dhe i Pallatit të Kulturës “Labëria” dhe në fund të jetës do ta mbyllte, jo pa dhimbje, si drejtor i Ansamblit të Këngëve dhe Valleve Popullore në Tiranë. Haxhi Dalipi mban nderimin e madh të Presidentit të Republikës, “Artist i Merituar” dhe më pas është i vlerësuar me titullin “Mjeshtër i Madh”, po nga Presidenti i Republikës. Vlora dhe Gjirokastra e ka shpallur “Qytetar Nderi” dhe Gjirokastra i ka dhënë emrin një rruge në qytet.