Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

AQSHF prezanton të tjerë filma të animuar të viteve ’90

Postuar: 19/09/2018 - 07:51

Arkivi Qendror Shtetëror i Filmit prezantoi të martën në mbrëmje përzgjedhjen e dytë me filma të animuar të viteve ‘90. AQSHF bën me dije se programi i kësaj mbrëmje vijoi me një tjetër përzgjedhje, që nuk ka qenë e lehtë. “U lumturuam nga entuziazmi që krijoi përzgjedhja e parë, ndërsa atë natë ishim me fat që ishim së bashku me tre prej mjeshtrave të animacionit shqiptar, Stefan Taci, Artan Maku dhe Albert Malltezi. S'ishte e lehtë ti bënim këto përzgjedhje, kur kaq filma të arrirë të animuar janë prodhuar! Ndaj ju ftojmë në këtë program të dytë të filmit të animuar, të shihni disa filma të tjerë imagjinativë nga artistë të talentuar si Gëzim Qendro, Boris Ikonomi, Rikarda Nova, Stefan Taci, Artur Dauti, Shaqir Veseli, Artan Maku dhe Albert Malltezi. Do të kemi mes nesh dhe shumë mysafirë të veçantë, kështu që ju mirëpresim në Tulla Nouvelle”, shkruante AQSHF para shfaqjes së filmave mbrëmë për të pranishmit. Mbrëmja e parë me filmin e animuar në programin e kinematografisë së viteve ‘90 të Arkivit Qendror Shtetëror të Filmit ishte më datë 2 shtator. AQSHF bënte me dije se pas rënies së diktaturës, animacioni shqiptar përjetoi një rilindje të shkurtër, edhe pse këta filma të mrekullueshëm shihen rrallë dhe nuk njihen sa duhet nga publiku i gjerë. “Fatkeqësisht, filmat artistikë të viteve '90 kanë eklipsuar filmat novatorë dhe imagjinativë të bërë në argjilë, vizatim dhe prerje nga artistë të talentuar dhe ëndërrimtarë si Stefan Taçi, Rikarda Nova, Artur Dauti, Ergys Faja, Shaqir Veseli, Artan Maku, etj. Flaka magjike e animacionit të vendit tonë ishte veçanërisht e ndritshme gjatë viteve '90, ndaj mos e humbisni këtë natë që do të jetë e paharrueshme, nën yje, në tarracën e Pallatit të Kulturës”, pohonte AQSHF për mbrëmjen e parë të filmit të animuar. Programi i AQSHF që po shfaq filma të kinematografisë së viteve ’90 për regjisorin Stefan Taçi duhet vlerësuar si nismë. Për publikun sipas tij po shfaqen edhe filmat artistikë apo dhe dokumentarë, duke treguar jo pak për kohën e viteve ‘90 dhe punën krijuesve të kineastëve shqiptarë. Në nisje të programit këtë verë AQSHF bënte me dije se kinemaja e atyre viteve aq sa është domethënëse aq dhe është e panjohur për publikun. “Një mundësi për të ri-kujtuar shpresën e fillim viteve '90, si dhe të ri zbulojmë së bashku kinematografinë e kësaj periudhe”, njoftonte AQSHF.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 19/07/2019 - 07:38

Juristi Sokol Hazizaj ka dhënë dje komentin e tij sa i takon betejës juridike që ka nisur për marrjen e mandateve nga kryebashkiakët.

Postuar: 19/07/2019 - 07:28

Filmi “Streha mes reve” pas pjesëmarrjes në “Munich Film Fest” do të shfa

Postuar: 19/07/2019 - 07:26

Festivali “Za Fest” rikthehet në edicionin e tretë këtë vit.

Postuar: 19/07/2019 - 07:24

Ky sezon artistik ka qenë me angazhime për aktoren e njohur Merita Smaja, i cili u mbyll me shfaq

Postuar: 18/07/2019 - 07:33

Libri “Mjekësia alternative shqiptare”, risi në trajtimin e sëmundjeve të kockave, vo

Postuar: 18/07/2019 - 07:31

Teatri i Operës dhe Baletit mbyll sezonin artistik me një trio shfaqjesh.

Postuar: 18/07/2019 - 07:30

Piktorit Vangjo Vasili vjen për publikun me ekspozitën e tij vetjake në galerinë e artit të qendr