Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Arkivi, aktivitete të përbashkëta me shoqatën shqiptare në Suedi

Postuar: 12/07/2019 - 07:26

 Botime dhe aktivitete të përbashkëta shkencore dhe kulturore ishte qëllimi i marrëveshjes së bashkëpunimit mes Drejtorisë së Përgjithshme të Arkivave dhe Shoqatës së Shkrimtarëve dhe Artistëve Shqiptar “Papa Klementi XI Albani” në Suedi. Sipas njoftimit zyrtar, drejtori i drejtorisë së Inspektimit dhe Trajnimit z. Endrit Musaj tha se ndihej i lumtur që pas takimit dhe njohjes me Shoqatën e Shkrimtarëve dhe Artistëve Shqiptar “Papa Klementi XI Albani” në Konferencën e III Mbarëkombëtare të Arkivistikës në Shkup po ndërmerret ky hap cilësor për bashkëpunim. “Kjo marrëveshje ka të bëj me hulumtime, botime, simpoziume, veprimtari të përbashkëta, qoftë në Shqipëri, Suedi apo Kosovë. Uroj që kjo marrëveshje nuk do të jetë vetëm formale dhe të ngelet në letër, por të konkretizohet me punë” u shpreh z.Musaj. Kryetar i shoqatës "Papa Klementi XI Albani" z. Hysen Ibrahimi falënderoi Drejtorinë e Përgjithshme të Arkivave për mirëpritjen dhe për këtë bashkëpunim. “Marrëveshja e bashkëpunimit mes institucioneve ka të bëj dhe me shkëmbime të ndryshme të materialeve të arkivistikës apo punëve studimore, madje ne sot i kemi sjell Drejtorisë së Përgjithshme të Arkivave ne formë digjitale 10 numra të librit “Thesar Kombëtar i Mërgatës Shqiptare, i cili përmban shumë shënime dhe dokumente, kryesisht për veprimtari dhe çështje të Kosovës, por edhe shqiptare” tha në fjalën e tij Ibrahimi. Kjo marrëveshje vjen në vijim të bashkëpunimeve të tjera që ka deri tani Drejtoria e Përgjithshme e Arkivave. Ky institucion është organi më i lartë i rrjetit arkivor kombëtar. Fillimet e veprimtarisë arkivore në Shqipëri datojnë që nga antikiteti. Historia dëshmon se në bibliotekat që ekzistonin në shtetet ilire, në principatat feudale shqiptare, në shtetin e Skënderbeut, në shoqëritë patriotike e kulturore, në institucionet fetare, në firmat tregtare, në esnafët, në familje dhe individë të veçantë, krahas librave ruheshin edhe dokumente. Dokumenti i parë që ruhet në arkiv, që bën fjalë për përpjekjet drejt krijimit të një arkivi qendror, është vendimi i datës 2.1.1932 i Këshillit të Naltë të Shtetit, për shqyrtimin e projekt-rregullores, për regjistrimin e ngjarjeve me rëndësi.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 13/11/2019 - 07:36

Mbi 1 milionë vizitorë të huaj kanë vizituar monumentet tona të kulturës, sitet arkeologjike, kishat etj, nga janari deri në tetor të këtij viti.

Postuar: 13/11/2019 - 07:34

 “Përsëri bashkë” titullohet ekspozita e artit pamor e liceistëve të vitit 1976,

Postuar: 13/11/2019 - 07:33

Galeria Kombëtare e Arteve zhvillon të premten një bisedë, me studiuesin Stefan Çapaliku.

Postuar: 13/11/2019 - 07:31

Specialistë të trashëgimisë kulturore shprehen se ekspeditat arkeologjike vazhdojnë të zhvillohen

Postuar: 12/11/2019 - 07:42

E hëna për muzeun kombëtar të fotografisë “Marubi”, është dita që i kushtohet publiki

Postuar: 12/11/2019 - 07:39

Panairi i Librit në Tiranë mbërrin në edicionin e tij të 22.

Postuar: 12/11/2019 - 07:38

Kalaja e Beratit është vizituar nga 131.157 vizitorë në dhjetë muaj.