BREAKING NEWS

E papritur/ Jep dorëheqjen nënkryetari i Bashkisë Durrës, ja cilit koalicion do t’i bashkohet për zgjedhjet e 25 prillit

E papritur/ Jep dorëheqjen nënkryetari i Bashkisë Durrës, ja
x

Kultura

Artistët: Logoja e re e TKOBAP plagjiaturë, është marrë e gatshme në internet

Artistët: Logoja e re e TKOBAP plagjiaturë, është marrë

Logoja e re e Teatrit Kombëtar të Operës, Baletit dhe Ansamblit Popullor ka sjellë shumë reagime nga artistë të ndryshëm. Artistët denoncojnë, duke u shprehur se logo e TKOBAP është një plagjiaturë. Ata shprehen se përgjegjësia është e institucionit, ku për këtë logo janë dhënë 1.8 milionë lekë. Reagimi i artistëve nisi në rrjetet sociale, ku ata denoncojnë se logoja e re e Teatrit Kombëtar të Operas dhe Baletit është e vjedhur nga site ndërkombëtare, ndërsa hedhin akuza se u hap një konkurs që nuk bëri asnjëherë publik informacionet për fituesin dhe kriteret e përzgjedhjes. Një denoncim i bërë edhe nga artisti i njohur dhe pedagogu i arteve Ardian Isufi, që u shpreh në statusin e tij në Facebook për logon, që sipas tij është plagjiaturë. I pyetur për këtë, artisti dhe pedagogu Ardian Isufi tha se paratë janë marrë për një logo plagjiaturë. “Logo është marrë në site, Freepik.com. Logo është e gatshme. Në këtë logjikë kjo është gjithë historia. Nuk ka gjë tjetër. Pra është bërë një punë “shumë e madhe” për një gjë që është asgjë. Normalisht paratë janë marrë, dhe janë marrë për një plagjiaturë dhe një banalitet. Teatri Kombëtar i Operës dhe Baletit është pjesë e komisionit dhe vetë është institucioni, që ka përgjegjësinë. Logo e TKOBAP është plagjiaturë”, thotë Ardian Isufi. Regjisori Nikolin Gurakuqi ka një aktivitet të vlerësuar në Teatrin Kombëtar të Operës dhe Baletit. Regjisor i veprave të ndryshme në skenën e TKOB, Nikolin Gurakuqi thotë se logo e re nuk ka lidhje me institucionin. “Një logo e re që për mua nuk ka lidhje me Teatrin Kombëtar të Operës dhe Baletit. E para, që është e vjedhur në internet. E marrë komplet. E gatshme ndryshuar ngjyra dhe kaq, forma është po ajo dhe vënë TKOB. Ajo ka kushtuar, sipas konkursit të Teatrit Kombëtar të Operës dhe Baletit diku te 18 milionë lekë të vjetra. E para gjë që nuk shkon, sepse ajo nuk është logo për Teatrin Kombëtar të Operës dhe Baletit. E dyta, mendoj se nuk ka shans që të kushtojë aq një gjë e marrë nga interneti”, pohon ai.

Logo e re e papranueshme

I pyetur për këtë çështje, regjisori Nikolin Gurakuqi shprehet se është e papranueshme një logo e tillë për Teatrin Kombëtar të Operës dhe Baletit. Në reagimin e tij për logon që ishte më parë regjisori pohon se ishte normale për TKOB. “Për mua është e papranueshme si logo ajo që është sot në TKOB. Më parë ishte logo me harpe dhe pentagram muzikor, më se normale”, thotë regjisori në reagimin e tij. Gjatë një konference ministrja e Kulturës Elva Margariti e pyetur nga gazetarët tha se ishte një dijeni për këtë nga rrjetet sociale, por do të ngrihej dhe një komision. “Duhet verifikuar. Konkursi është bërë para një viti, edhe do të ngrihet një komision i posaçëm për të vërtetuar atë që ka dalë sot në rrjete sociale. Duhet të kem më shumë informacione për gjykimin tim. Ka pas një juri me gjashtë persona në mos gaboj, pasi këtë e mësova sot. Sa të kemi mundësinë do t’ua japim të gjithë infon”, u shpreh ministrja. Në media u publikua të martën se Pika Pro sh.p.k është kompania, që është marrë me logon e Teatrit Kombëtar të Operës dhe Baletit. Në janar të vitit të kaluar TKOBAP (Teatri Kombëtar i Operas, Baletit dhe Ansambli Popullor) shpalli konkurs të hapur përmes një thirrjeje publike për dizejnimin e logos së re të këtij institucioni arti.

Reagimi i TKOBAP

Ndërsa TKOBAP në një reagim mbrëmjen e së martës shprehej mes të tjerave se është autori që mban përgjegjësinë, për logon. “TKOBAP nuk mundet të mbajë përgjegjësi për origjinalitetin e një produkti të tillë, pasi e ka praktikisht të pamundur të filtrojë arkivat publike dhe private të studio-ve apo platformave të marketing-ut në botë. Për këtë arsye, është vetë autori i saj, i cili mban përgjegjësi ligjore për origjinalitetin e produktit, të materializuar në kontratën midis palëve dhe deklaratën e autorësisë. Paketa e propozuar nuk përfshin vetëm krijimtarinë e logos, por një sërë elementësh të cilët shoqërojnë “brand-in”, të përmendura më lart. Vlera e fondit pasqyron çmimin e tregut vendas për këtë shërbim, nisur nga ofertat financiare të marra nga disa prej kompanive të marketing-ut në vend”, shprehet teatri. TKOBAP bën me dije se do të vendosë në funksion të gjithë mekanizmat ligjore dhe kontraktuale për adresimin juridik të këtij problemi, duke bërë përgjegjës autorin për të gjithë dëmin e shkaktuar, në rast se organet kompetente certifikojnë imazhin e logos së TKOBAP si plagjiaturë